Mynd: Nordic Photos

HBSC Abu Dhabi mótið fór fram um helgina og var nokkuð mikið í sviðsljósinu sökum þess að Tiger Woods gekk vel í fyrsta skipti í langan tíma. Tiger hefur ekki unnið opinbert mót í 26 mánuði en hann vann þó styrktarmót í síðasta mánuði, sem hann hélt sjálfur. Það mót telur þó ekki til stiga á stigalista kylfinga.

Tiger gerði heiðarlega tilraun til þess að vinna mótið í Abu Dhabi um helgina en það tókst ekki. Hann varð að sætta sig við að deila 3. sætinu með tveimur öðrum kylfingum. Það var lítt þekktur Englendingur að nafni Robert Rock sem að sigraði á -13 höggum. Tiger varð tveimur höggum á eftir honum, á -11. Tiger verður aftur í sviðsljósinu þann 6. febrúar þegar hann tekur þátt á AT&T mótinu á Pebble Beach sem er hluti af PGA mótaröðinni.

Tiger Woods  var í forystu ásamt fleirum fyrir lokadaginn, en náði að glutra niður forskotinu. Á fyrstu þremur dögum mótsins var Tiger að spila fanta gott golf og fékk aðeins 2 skolla á fyrstu 54 holunun. Á lokadeginum kræki hann sér í þrjá skolla og aðeins einn fugl. Þetta er aðeins í  níunda skiptið af 64 sem hann er í forystu fyrir lokadag sem hann vinnur ekki mótið. “Ég fann það bara að ég var ekki í gírnum” sagði vonsvikinn Woods eftir lokahringinn.

Norður-Írinn, Rory McIlroy varð í öðru sæti á eftir Rock, aðeins einu höggi á eftir. McIlroy fékk skolla á síðustu holunni sem varð til þess að Rock vann með einu höggi. Þeir sem voru jafnir Tiger Woods í þriðja sæti á -11 voru þeir Tomas Björn og Graham McDowell.

Mynd: GSÍ

Golfsamband Íslands opinberaði það nýverið hverjir það væri sem hefðu skarað frammúr á árinu. Kylfingar ársins voru valdir Ólafur Björn Loftsson í karlaflokki og Ólafía Þórunn Kristinsdóttir í kvennaflokki.

Ólafur, sem spilar undir merkjum Nesklúbbsins, vann það stórkostlega afrek á árinu 2011 að verða fyrsti íslenski kylfingurinn sem tekur þátt á PGA mótaröðinni. Ólafur sigraði Cardinal-áhugamannamótið í Bandaríkjunum sem er eitt sterkasta áhugamannamót sem haldið er ár hvert og fékk þar með boð um að taka þátt á Wyndham mótinu á PGA mótaröðinni. Ólafur varð einnig í topp 10 á vali á íþróttamanni Íslands.

Ólafía Þórunn, sem spilar undir merkjum Golfklúbbs Reykjavíkur, varð bæði Íslandsmeistari í holukeppni og höggleik á árinu 2011. Ólafía stundar nám erlendis og náði því ekki að taka þátt á öllum stigamótum Eimskips-mótaraðarinnar en varð samt í 2. sæti stigalistans fyrir árið 2011.

Mynd: Nordic Photos

Ef þú vinnur í viðskiptaheiminum kemur að því fyrr eða síðar að þér verður boðið að koma út á völl og spila golf, eða jafnvel að þú bjóðir einhverjum til hins sama og skiptir engu máli hvort þú ert nýbyrjaður í golfi eða hefur spilað lengi. Sérfræðingar segja að fleiri samningar séu gerðir á golfvellinum en í fundarherbergjum og fínum veitingahúsum. Hér eru nokkur ráð um hvað skal varast þegar spila skal golfhring í viðskiptalegum tilgangi.

Hvort sem þú ert vanur spilari eða nýbyrjaður er gott að fara í nokkra tíma til kennara, þú græðir alltaf á því. Það er glatað að fara hring í svona tilgangi og geta svo ekki neitt og sá sem þú ætlar að reyna að ná viðskiptum við dauðvorkennir þér og er farinn að reyna að leiðbeina þér úti á velli.

Kynntu þér vel allar siðareglur íþróttarinnar og passaðu þig á að fara eftir þeim að öllu leiti. Ekki tala meðan aðrir eru að slá og ekki stíga í púttlínuna hjá hinum o.s.frv. Það er ekki aðalatriðið hvernig þú spilar, heldur framkoma þín og viðmót þitt úti á vellinum sem vegur þyngra.

Margir halda að hringurinn hafi verið tilgangslaus ef ekki er búið að handsala samning áður en komið er á 18. teig. Ekkert er fjarri sanni. Að leika golf með öðrum viðskiptamönnum er til að byggja upp traust til lengri tíma. Ekki reyna að selja þig úti á velli.

Farðu gangandi út á völl, nema þú getir ekki gengið hringinn. Það er fátt fátæklegra en að sjá unga hrausta menn í bílum vegna þess eins að þeir nenna ekki að ganga völlinn. Fjórir gangandi kylfingar eru fjórir að spila saman, en fjórir kylfingar í tveimur bílum eru tveir og tveir að spila saman.

Vertu afslappaður. Það er mjög mikilvægt að þú sért afslappaður og eyðileggir ekki sveifluna vegna þess að þú sért svo stressaður. Vertu ekkert að reyna að ganga í augun á einum eða neinum, spilaðu bara þitt golf rólegur og afslappaður. Ef öðrum í hollinu gengur illa, láttu þá í friði, ekki bjóða þeim ráð úti á velli. Ekki reyna að sýnast sérfræðingur í öllu!

Gangi þér vel.

Mynd: Nordic Photos

Sophie Gustafson frá Svíþjóð, sem hefur mikinn stama, hlýtur hin virtu Golf Writers Association of America Ben Hogan Award fyrir árið 2011 fyrir að halda áfram að spila golf þrátt fyrir þessar hömlur.

Hún mun taka við viðurkenningunni í sama kvöldverðarboði GWAA og Yani Tseng tekur við viðurkenningu sinni sem besti kylfingurinn, 4. apríl á Augusta.

Gustafson hefur leikið átta sinnum á Solheim Cup og sigrað á fimm LPGA mótum á sínum 13 ára ferli, en hefur ekki fengið þá athygli sem slíkur ferill á skilið, líklega vegna stama hennar.

Síðastliðið haust steig hún útfyrir rammann sinn og kom fram í sjónvarpsviðtali fyrir Solheim Cup og vakti það viðtal mikla athygli.

Gustafson er þekkt fyrir sinn góða húmor á blogginu og því miður sjáum við hana sjaldan í sjónvarpsviðtölum vegna stamans. Hún fékk aðeins fleiri atkvæði en Bryce Molder sem varð annar. Heath Slocum hafnaði í 3. sæti.

“Ég hef aldrei litið á stamann hjá mér sem hindrun hjá mér, en ef fólk finnur hvatningu hjá mér, er ég mjög ánægð,” sagði Sophie Gustafson nýlega.

Þeir sem hafa áður hlotið þessa viðurkenningu eru: Tom Watson, Barbara Douglas, Ken Green, Erik Compton, Denis Watson, Hubert Green, Bruce Edwards, Jeff Julian, Scott Verplank, Jose-Maria Olazabal, Casey Martin, Paul Azinger, Robert Allenby, Lee Trevino, John Mahaffey, Jim Nelford, Ken Venturi, Terri-Jo Meyers og Steve Jones.

Hér strunsar John Daly af velli á Australian Open ásamt kærustunni, syni sínum og kylfusveininum auðvitað.

John Daly, sem oft er kallaður “the Wild Thing,” var með á Thailand Golf Championship mótinu, sem lauk í dag og stóð sig ágætlega. Hann byrjaði sérlega vel á mótinu, lék fyrsta hringinn á 65 höggum, 7 undir pari og var þá í 2. sæti á eftir Westwood. Hann spilaði ekkert sérlega vel hina 3 dagana, 73-72-75 og endaði í 16. sæti.

Nokkrir blaðamenn lyftu augabrúnum aðeins þegar hann sagðist ekki vita til þess að Ástralir hafi refsað honum fyrir atvikið fræga á Australian Open. Þá sló hann 7 golfbolta í tjörnina við 11. braut og strunsaði síðan af velli.

Brian Thorburn var hissa þegar þetta var borið undir hann og lagði á það ríka áherslu að Daly hefði bæði verið sektaður og settur í bann af PGA of Australia, en það verði ekki gefið upp hversu há sektin er eða hversu langt bannið er.

“John veit vel að honum hefur verið refsað af aganefndinni,” sagði Thorburn.

“Við gefum ekkert upp hver refsingin er…. en það er búið að dæma í málinu.”

“Það eru vonbrigði að heyra að John segir eitthvað annað, en það gæti verið að það sé búið að taka þetta úr samhengi hjá honum. En það er ekki rétt að við höfum ekkert gert í málinu.”

Það hafa engir samræður átt sér stað við forráðamenn annarra mótaraða vegna þessa máls ennþá, en þeir eiga von á því að svo verði.

Daly hefur þrisvar sinnum gert sig sekan um álíka vitleysu, bara í Ástralíu. Hann henti pútternum sínum í tjörn við 18. flöt árið 2002 á PGA Championship mótinu og svo reif hann myndavél af áhorfenda árið 2008 og grýtti henni í tré.

Á árunum frá 1991 til 2008 hefur John Daly verið sektaður samtals um 12,3 milljónir íslenskar króna auk þess sem hann hefur sex sinnum verið settur í leikbann. Þá hefur hann verið ávíttur 11 sinum fyrir óíþróttamannslega framkomu að auki.

US PGA Tour hefur skipað honum að fara í ráðgjöf eða í áfengismeðferð sjö sinnum.

Hann virðist ekki telja ástæðu til að sinna því og tekur ekki einu sinni eftir því að hann er ekki velkominn til Ástralíu lengur.

Mynd: bakkakot.is

Samþykkt var á aðalfundi Golfklúbbs Bakkakots, GOB, á dögunum að lækka félagsgjöld almennra félaga ásamt öðrum breytingum á gjaldskrá klúbbsins. Almennt félagsgjald í GOB verður 49.900 kr. fyrir árið 2012 en það er lækkun um tæpar 10.000 kr. á milli ára. Félagsgjöld 67 ára og eldri verða 39.000 eins og árið 2011 ásamt því að börn 7-13 ára greiða 19.000 sem er einnig sama gjald og 2011.

Fyrir árið 2012 býður GOB upp á nýjan valmöguleika í félagsaðild en það er félagsaðild með takmarkaðri leikheimild á 29.900 kr. Sú aðild felur í sér heimild til að leika Bakkakotsvöll fyrir kl. 14.00 á  virkum dögum og eftir kl. 16.00 um helgar. Innifalið eru félagsgjöld ásamt rétti til þátttöku í innanfélagsmótum klúbbsins, skráning hjá GSÍ og útgáfa forgjafar og með því leikheimild í opnum mótum annarra golfklúbba. Það er ljóst að golfíþróttin hefur tekið miklum breytingum undanfarin ár og er nú svo komið að eftirspurn eftir slíkri aðild er til staðar. Golfklúbbur Bakkakots býður þá kylfinga sem geta nýtt sér þennan valmöguleika velkomna í klúbbinn og á öll innanfélagsmót ásamt því að hafa aðgang að annarri þjónustu GOB.

Aðrar breytingar á félagsgjöldum í Golfklúbbi Bakkakots fyrir árið 2012 snúa að ungmennum og námsmönnum. Aldursbil gjaldhóps ungmenna var hækkaður úr 20 ára í 24 ára og er nú 14-24 ára. Sá hópur greiðir eins og undanfarin 2 ár 29.000 kr. Ennfremur var ákveðið að sami gjaldflokkur stæði námsmönnum til boða og því geta nú háskólastúdentar skráð sig í fulla aðild í GOB fyrir 29.000 kr.

Golfklúbbur Bakkakots býður alla nýja kylfinga velkomna. Starfsemi klúbbsins á komandi sumri verður kynnt félagsmönnum eftir áramót en hún verður með sama sniði eins og undanfarin ár.  Nánari upplýsingar má nálgast á heimasíðu klúbbsins, bakkakot.is.

Mynd: Nordic Photos

Tiger Woods var einu höggi á eftir Zach Johnson þegar tvær holur voru eftir á lokahringnum á Chevron World Challenge mótinu, fékk fugla á báðar lokaholurnar á meðan Zach Johnson fékk par á þær og því var það loksins Tiger Woods sem stóð uppi sem sigurvegari á golfmóti á PGA Tour.

Tiger lék lokahringinn á 69 höggum, 3 undir pari, en Zach Johnson á 71 höggi, 1 undir pari. Tiger lauk leik á samtals 10 höggum undir pari, en Johnson á 9 undir.

Það eru orðnir 749 dagar síðan Tiger vann mót og 26 mót sem hann hefur tekið þátt í á þessum tíma án þess að hafa erindi sem erfiði. Fyrir þennan tíma var Tiger ósnertanlegur í efsta sæti heimslistans eða allt þangað til hann keyrði á tré.

Nú geta menn glaðst yfir því að hann er kominn aftur og væntanlega á hann eftir að vinna fleiri mót og komast hærra á heimslistanum.

Hver hefði trúað því að Paul Casey myndi ná 3. sæti á mótinu eftir að hann lék fyrsta hringinn á 79 höggum? En hann gerði það samt, lék svo á 68-67-69 höggum og endaði á 5 höggum undir pari.

Hunter Mahan og Matt Kuchar deila svo 5. sæti á 4 undir pari.

Lokastaðan.

Mynd: iGolf.is

iGolf var bent á grein sem skrifuð er af Hilmari Þór Björnssyni arkitekti á bloggsíðunni Eyjan.is, en þar segir Hilmar Þór að golfvellir séu baneitraðir og notar frasa eins og “Mér er sagt að golfvellir séu einhverjir menguðustu staðir á jarðríki.” Ja hérna hér.

Sjá greinina hér.

iGolf hafði samband við Ólaf Þór Ágústsson framkvæmdastjóra Keilis og spurði hann um hvort hann hafi séð þessa grein.

“Já, ég hef lesið hana. Hún er skrifuð af mikilli vanþekkingu og á alls ekki við í dag. Þessi mál eru í miklu betri farvegi núna heldur en fyrir 5 árum síðan og hvað þá fyrir 10 árum síðan. Það eru svartir sauðir allsstaðar og golfvellir í heiminum margir, en þetta hefur aldrei verið vandamál á Íslandi,” sagði Ólafur Þór sem er menntaður í golfvallarfræðum og hefur mikla reynslu af þessum málum, var til að mynda vallarstjóri á Hvaleyrarvelli í mörg ár.

Bjarni Þór Hannesson vallarstjóri á Húsatóftuvelli í Grindavík svarar arkitektinum á bloggsíðunni og má sjá svarið í heild sinni hér að neðan:

Bjarni Þór Hannesson
Það er nokkuð augljóst af þessum skrifum þínum að þekking þín á þessum málaflokk er af skornum skammti. Algengur misskilningur líkur þínum, kemur reglulega fram á sjónarsviðið á hinum ýmsu vígstöðum. Því miður lepja margir upp þennan misskilning og dreifa honum áfram.

Eiturefna notkun golfvalla á íslanid er lítil sem engin. Þannig að íslendingar geta sofið rólega. Íslenskir golfvellir eru með þeim vistvænni í heiminum þegar eingöngu er litið til viðhalds vallanna. Hjálpar þar til litlar gæðakröfur íslenskra kylfinga.

Eiturefnanotkun erlendis er mjög mismunandi. Til eru svartir sauðir í þessu eins og öðru, en eitt er þó ljóst að golfvallaiðnaðurinn er mun vistvænni en mikið af matvælaframleiðslu (landbúnaður). Öll eiturefni, lyf og þessháttar, sem notað er í golfvallaiðnaðinum eru efni sem framleidd eru fyrir landbúnað. Reglur um notkun þeirra er síðan mun strangari fyrir golfvelli en landbúnaðinn (löggjafinn segir, réttilega, að við lifum af án golfvalla en ekki án matar) og mun færri efni leifileg (og þá í veikari formi).

Á golfvöllum er einnig mun meira af lífverum en á venjulegri landbúnaðarjörð, þar sem að um 50-70% af meðal golfvelli er undir lágmarks viðhaldi (að mörgu leiti bara villt). Nú er t.d. stórt verkefni í gangi víðsvegar á Bretlandi þar sem verið er að nota golfvellir til að auka fjölda villtra býflugna.

Talandi um Bretland, þá eru meira en 100 golfvellir á svæðum sem hafa verið mekt SSSI svæði, eða Site of Specific Scientific Interest, sökum lífríkis sem þar fyrir finnst.
Meðal golfvöllur notar einnig frekar lítið af áburði. Markmiðið er ekki að búa til mikinn grasvöxt, heldur að halda honum í lágmarki. Landbúnaður gengur að mestu út á hið gangstæða.

Það að halda því að fram að golfvellir séu á meðal eitruðustu staða heimsins er algerlega fráleitt. Ég efast ekki um að þú hafir meint lítið með þessu, en hefur (líklegast óaðvitandi) mögulega kastað hér ljótum skugga á fagstétt mína, með illa rökstuddum ásökunum (eða vangaveltum).

Ég gef mér það að þú munir kynna þér þetta betur í framtíðinni. Glaður skal ég setjast niður með þér og ræða þetta við tækifæri (þetta er of lítið pláss til að ræða þetta almennilega).

Bjarni Þór Hannesson M.Sc.
Grasvallatæknifræðingur

Mynd: Nordic photos

Lokadagurinn á heimsmeistaramótinu í golfi fór fram í gær. Það voru Bandaríkin sem fögnuðu sigri eftir að Írarnir, Rory McIlroy og Graeame McDowell köstuðu frá sér sigrinum.

Lið Bandaríkjana skipuðu þeir Matt Kuchar og Gary Woodland og léku þeir hringina fjóra á samtals -24 höggum. Næstu lið á eftir voru Englendingar og Þjóðverjar á -22 höggum. Það voru samt Ian Poulter og Justin Rose fyrir hönd Englands sem spiluðu manna best í gær en þeir fóru lokahringinn á 63 höggum eða á 8 höggum undir pari. Með þeirri spilamennsku tryggðu þeir sér 2.-3. sætið.

Fyrir lokadaginn voru McIlroy og McDowell í vænlegri stöðu en þeir höfðu tveggja högga forystu. Þeir hinsvegar spiluðu afleitt golf og enduðu í 3-5 sæti ásamt Áströlum og Skotum á -21 höggi. Þetta var fyrsti titill Bandaríkjamanna síðan árið 2000 þegar að Tiger Woods og David Duval skipuðu liðið. Titillinn var hinsvar númer 26 í röðinni frá upphafi.

Mótið fór fram í Kína á Omega Missions vellinum og fór allt fram með besta móti.

Mynd: NordicPhotos

Kylfingurinn Birgir Leifur Hafþórsson er úr leik á úrtökumóti fyrir PGA-mótaröðina í Bandaríkjunum. Birgir lék loka hringinn af fjórum í gær á 70 höggum á Plantation-vellinum í Flórídaríki og það dugði honum ekki til þess að komast áfram á næsta stig mótsins.

Birgir endaði í 44.-50. sæti en efstu 20 komast áfram á þriðja og lokastig úrtökumótaraðarinnar. Birgir lék á samtals einu höggi yfir pari leikdagana fjóra.

Mynd: NordicPhotos

Tiger Woods tryggði bandaríska liðinu sigurinn um forsetabikarinn í golfi sem lauk í Melbourne í Ástralíu í nótt. Woods hafði betur gegn Ástralanum Aaron Baddeley í tvímenningskeppninni og sá til þess að Bandaríkin fengu í það minnsta 17,5 vinninga á mótinu, sem dugði til sigurs.

Bandaríkin vann heildarkeppnina 19-15 en jafnt varð í viðureignum tvímenninga eða 6-6. Sigurinn í nótt var sá áttundi hjá Bandaríkjamönnum í keppninni.

Tiger Woods virðist allur vera að koma til eftir skelfilegt gengi upp á síðkastið í golfvellinum og var nokkuð gagnrýnt að hann hafi verið valinn í bandaríska liðið fyrir mótið. Hann svaraði þeirri gagnrýni þó eins og sönnum íþróttamanni sæmir, á vellinum sjálfum.

Mynd: Nordic Photos

Skotinn Catriona Matthew lék lokahringinn á Lorena Ochoa Invitational mótinu í Mexíkó á 71 höggi, 1 undir pari í gærkvöldi, lauk keppni á samtals 12 höggum undir pari og sigraði á mótinu með 4 högga mun. Matthew byrjaði með látum í gær, fékk fugla á fyrstu tvær holurnar og tvo í viðbót á fyrri níu og var þá komin með átta högga forystu á mótinu. Hún slakaði því aðeins á og spilaði seinni níu á þremur yfir pari, en þetta var öruggt hjá henni allann tímann.

Þegar maður hefur svona mikla forystu, verður þetta öðruvísi erfitt,” sagði Matthew. “Ég vissi ekki hvort ég ætti að sækja fleiri fugla eða bara spila upp á par og sjá hvort hinar væru að ná fuglum. Þegar uppi var staðið gerði ég hvorugt, heldur bara klúðraði nokkrum holum á seinni níu, en ég hafði góða forystu sem betur fer.” Þetta er fjórði sigur hennar á LPGA Tour.

Anna Nordqvist og I.K. Kim urðu jafnar í 2. sæti á samtals 8 höggum undir pari. Þar á eftir koma Hee Kyung Seo, Ai Miyazato og Juli Inkster í 4. sæti á 5 höggum undir pari.

Lokastaðan.

Mynd: Nordic Photos

Bandaríkjamaðurinn Phil Mickelson, einn sigursælasti og þekktasti kylfingur í heiminum, verður tekinn í Frægðarhöllina, the World Golf Hall of Fame, í maí á næsta ári. Í kosningu sem fram fór um hver yrði tekinn inn að þessu sinni fékk Mickelson 78% atkvæðu, sem er besta kosning sem nokkur hefur fengið í meira en áratug, eða allt síðan Greg Norman fékk 80% atkvæða þá.

Mickelson á að baki glæstan feril, hefur unnið fjóra risatitla (þrjú Masters mót og PGA meistaramótið) og hefur verið 17 sinnum í liði Bandaríkjamanna á Rydernum og Presidents Cup mótunum. Hæsta sem hann hefur komist á heimslistanum er númer 2.

“Fyrir hönd PGA Tour þá óska ég Phil Mickelson til hamingju með útnefninguna, en þetta er æðsta viðurkenning sem við getum veitt kylfingum, inngöngu í Frægðarhöllina,” sagði Tim Finchem framkvæmdastjóri PGA Tour. “Allt frá þeim tímum sem Mickelson var áhugamaður, virtist það alltaf liggja ljóst fyrir að honum hlotnaðist þessi heiður einn góðan veðurdag. Hann hefur alltaf verið í fremstu röð í heiminum og er því vel að þessu kominn.”

Mynd: NordicPhotos

Opna ástralska meistaramótið í golfi fer fram um næstu helgi og verður sjónvarpað beint frá öllum keppnisdögum mótsins á Stöð 2 Sport. Talsverð umfjöllun hefur verið um mótið síðustu daga og hafa fréttir um illdeilu Tiger Woods og fyrrum kylfusveins hans Ted Williams tröllriðið öllu.

Þeir hafa hins vegar náð sáttum eftir að hafa rætt saman í morgun en Williams hafði m.a verið ásakaður um að vera rasisti fyrir ummæli sem hann lét falla um fyrrverandi vinnuveitanda sinn. Tiger Woods vann opna ástralska meistramótið fyrir tveimur árum skömmu áður en komst upp um framhjáhalds hans og ófyrirmyndar líferni.

Margir sterkir kylfingar taka þátt í mótinu að þessu sinni og má þar nefna Adam Scott, Jason Day, Greg Norman, Dustin Johnson og Geoff Ogilvy auk Tiger Woods.

Stöð 2 Sport verður með beina útsendingu frá öllum keppnisdögum mótsins og má sjá dagskrána hér að neðan.

Fimmtudagur 10. Nóvember
kl. 01.00 – 06.00 | Bein útsending
Föstudagur 11. Nóvmeber
kl. 14.50 – 17.50 | endursýnt frá fimmtudegi
kl. 21.00 – 24.00 | endursýnt frá fimmtudegi
kl. 01.00 – 06.00 | Beint
Laugardagur 12. Nóvember
kl. 08.15 – 12.15 | endursýnt frá föstudegi
kl. 20.50 – 01.00 | endursýnt frá föstudegi
kl. 01.00 – 06.00 | Beint
Sunnudagur 13. Nóvember
kl. 08.30 – 12.30 | endursýnt frá laugardegi
kl. 20.30 – 00.30 | endursýnt frá laugardegi

Tiger Woods.

Tiger Woods sagði á blaðamannafundi í morgun að Steve Williams, fyrrum kylfusveinn hans væri ekki rasisti, en þeir tveir hittust fyrr í morgun og ræddu saman.

Tiger er nú kominn til Sydney þar sem hann tekur þátt í Australian Open, en það er einminnt mótið sem hann vann fyrir tveimur árum síðan, rétt áður en upp komst um framhjáhöld hans og sérstakt líferni. Williams sem sagði síðasta föstudag “I wanted to shove it right up that black a*******,” þegar hann var spurður á árshátíð kylfusveina í Kína, hversvegna hann fagnaði svo mikið þegar Adam Scott vann sinn fyrsta sigur með hann á pokanum.

Woods talaði nú í morgun í fyrsta skipti opinberlega um þessa uppákomu Williams.

“Steve er svo sannarlega ekki rasisti, á því leikur enginn vafi,” sagði Tiger.

“Þetta voru ummæli sem hann hefði ekki átt að láta falla og hann vildi að hann hefði ekki gert það.”

Woods og Steve hittust í morgun og ræddu þessi mál og eftir samtalið vill Tiger gleyma þessu og horfa fram á veginn.

“Við töluðum saman í morgun,” sagði Tiger. “Það var ekki rétt af honum að segja þetta, það er augljóst.”

“Hann baðst afsökunar á þessu. Þetta særði mig, en lífið heldur áfram.”

Steve Williams var kylfusveinn hjá Tiger í 13 ár. Með honum vann Tiger 13 af 14 risatitlum sínum áður en hann sagði skilið við hann fyrr á þessu ári, sem greinilega lagðist ekki vel í Williams.

Williams gerði heiminum það ljóst að hann var ósáttur við tímasetninguna á brottrekstrinum, vegna þess að hann hafi staðið með Tiger þá í talsverðan tíma í gegnum erfiðan tíma og rýra uppskeru.

Tiger var spurður í morgun hversvegna samband hans og Steve Williams hafi þróast svona illa. “Ég kann ekki svar við því,” sagði hann.

“Það var erfið ákvörðun fyrir mig að fara í aðra átt. Persónulega veit ég ekki hversvegna mál þróuðust svona á milli okkar, en það gerði það.”

Williams verður ekki refsað á nokkurn hátt fyrir þessi ummæli, eins og fram kom í sameiginlegri yfirlýsingu frá PGA Tour og European Tour. Tiger vildi ekki segja mikið um það.

“Ég set ekki stefnuna þar. Þetta er alveg undir þeim komið, ég ræð engu,” sagði Tiger Woods.

Mynd: iGolf.is

Þorvaldur Hjaltason, Golfklúbbnum Úthlíð, sem er nýráðinn framkvæmdastjóri Golfklúbbs Hveragerðis var á dögunum dæmdur í 12 mánaða keppnisbann af aganefnd GSÍ. Hann var kærður af mótsstjórn Opna Carlsbergs mótsins hjá GOB fyrir að breyta skori á skorkorti eftir að bæði hann og ritari höfðu skrifað undir skorkort hans að leik loknum.

Sjá úrskurð og málsatvik hér!

“Þetta var ekki vísvitandi gert,” sagði Þorvaldur Hjaltason við iGolf fyrr í dag, en hann var ráðinn til GHG um hálfum mánuði áður en dómur var kveðinn upp í þessu máli, en mótið sem um ræðir fór fram á Bakkakotsvelli 28. ágúst.

Þorvaldur hafði á mótinu leikið með konu í hollinu sem hafi skráð skor hans og hann var með hennar kort og skráði skor hennar eins og gengur. Að auki hafi hann verið með aukakort þar sem hann hafi skráð skor sitt á og í byrjun hafi hann líka skráð skor sitt í símann sinn, en hann hætti því fljótlega vegna mikillar rigningar.

“Eftir að við vorum búin að skrifa undir skorkort hjá hvort öðru, var ég að skoða skor mitt og reikna saman högg og punkta. Ég spilaði vel allar holurnar nema þá 9., þar sem ég sló boltann hátt upp í loftið og í tjörnina. Ég fékk par á seinni boltann og lék hana því á fimm höggum alls.”

“Svo fór ég að velta fyrir mér, “hvað ef” ég hefði spilað þessa holu á pari, eins og ég gerði með seinni boltanum og þá strikaði ég yfir 5 og skrifaði 3 í staðinn. Ég gerði mér ekki grein fyrir því þá að ég gerði þetta á keppnisskorkortið, heldur taldi ég mig vera að krota á aukakortið. En svo var ekki því miður.”

Seinna skilaði Þorvaldur svo inn kortinu sem hann hafði breytt, en breytta kortið taldi hann vera í vasa sínum.

“Þeim í aganefndinni fannst þetta ekki trúverðugt og dæmdu í málinu samkvæmt því,” sagði Þorvaldur og var auðheyrt að honum var mikið niðri fyrir. “Ég verð bara að taka því.”

Í júlí var Hallgrímur Júlíusson dæmdur til áminningar fyrir að setja bolta í leik úti á velli, eða eins og segir í málsskjölum “hafi látið nýjan bolta falla úr lúffunni sinni” og þannig ætlað að spara sér að þurfa að leika varabolta.

Sjá úrskurð og málsatvik um það mál hér.

Það þykir mörgum með ólíkindum að Hallgrímur, sem lætur aukabolta falla úti á velli skuli fá áminningu og að Þorvaldur, sem hugsanlega gerði óviljandi mistök við útreikninga á skorkorti sínu, sem hann taldi ekki vera keppniskortið skuli fá 12 mánaða bann.

Já, skýlaust svindl úti á velli fær áminningu, en brot sem segja má að leiki vafi á um ásetning, fær 12 mánaða bann. Það er mat nokkurra manna sem iGolf hafði tal af að báðir hefðu átt að fá sömu refsingu.

En hver er skýringin á þessu misræmi í dómunum? iGolf hafði samband við Hauk Örn Birgisson varaforseta GSÍ og nefndarmann í aganefnd GSÍ um þetta atriði sem sagði skýringuna einfalda: “Þeir fá í raun sama dóm, nema hann er skilorðsbundinn hjá Hallgrími vegna ungs aldurs.”

Mynd: NordicPhotos

Okkar maður, Birgir Leifur Hafþórsson lék í dag fyrsta hringinn á fyrsta stigi úrtökumóts fyrir PGA Tour á Pinehurst Magnolia golfvellinum í Norður-Karólínu í Bandaríkjunum. Hann lék á 73 höggum, einu yfir pari og er í 26. sæti jafn mörgum öðrum.

Hann byrjaði á 10. teig í dag, paraði fyrstu þrjár holurnar og fékk svo góðan fugl á 13. braut. Tapaði svo högginu á 15. og skilaði sér út á sléttu pari.

Á seinni níu fékk hann svo tvo fugla og þrjá skolla, meðal annars á lokaholunni og er því á 1 yfir parinu eins og fyrr segir.

Þetta er ekki svo slæm byrjun hjá Birgi Leif, en það eru bara 3 högg upp í 10. sæti eins og staðan er núna. Hann er jú að leika í fyrsta skipti á úrtökumóti fyrir PGA Tour og því gott fyrir hann að vera búinn að losa sig við hrollinn í dag, svo er bara að klífa aðeins upp skortöfluna.

Staðan.

Birgir Leifur Hafþórsson

Okkar besti kylfingur Birgir Leifur Hafþórsson er meðal keppenda á Pinehurst Magnolia golfvellinum í Norður-Karólínu í Bandaríkjunum, en mótið er úrtökumót fyrir PGA Tour. Keppendur á þessu móti eru um 80 og 20% þeirra komast áfram á annað stig keppninnar í nóvember, en keppnin er geysilega hörð, enda margir um hituna.

Birgir leifur er eini íslenski karlkylfingurinn sem hefur leikið á European Tour mótaröðinni og á reynsla hans í svona keppnum eftir að koma honum að góðum notum núna. Hann vann eitt úrtökumót á sínum tíma og segir það til um styrk okkar manns, sem vonandi nær að sýna það í Bandaríkjunum núna.

Smellið hér til að fylgjast með gangi mála hjá okkar manni.

Mynd: Nordic Photos

Það leit ekki vel út fyrir lokadaginn hjá Luke Donald á the Children’s Miracle Network Hospitals Classic mótinu, en hann var í 14. sæti þá og 5 höggum á eftir efstu mönnum. Hann þurfti því að leika sitt albesta golf til að komast á toppinn og vinna mótið og þar með enda sem efsti maður á peningalistunum beggja vegna hafs.

Og það var einmitt það sem Luke Donald gerði í dag. Ótrúlega flottur hringur hjá honum, lék á 64 höggum, fékk 10 fugla og tvo skolla, þar af sex fugla í röðá seinni níu. Hann kláraði mótið því á samtals 17 höggum undir pari og sigraði með tveggja högga mun. Meira að segja Webb Simpson átti ekkert svar við þessu og verður að játa sig sigraðan um toppsæti PGA Tour peningalistans.

Luke Donald er þar með fyrsti kylfingur sögunnar til að ná efsta sæti á peningalistunum bæði á European Tour, sem heitir Race to Dubai listinn og á PGA Tour, FedEx Cup listanum. Glæsilegt afrek hjá kappanum. Það er ekki á hverjum degi sem menn gefa út svona yfirlýsingar fyrir mót eins og Luke Donald gerði og mæta svo til leiks og vinna, eins og hann var búinn að segja.

Justin Leonard var í 2. sæti á 15 undir pari, lék lokahringinn á 71 höggi, 1 undir pari, sem hlýtur að hafa verið mikil vonbrigði fyrir hann. Kevin Chappell átti líka góða möguleika á sigri fyrir lokahringinn, var á 14 undir þegar hann hóf leik í dag, en lék á pari og endaði í 3. sæti ásamt Tom Pernice Jr. (69) og Kang Sunghoon (68), en þeir enduðu allir á 14 höggum undir pari.

Webb Simpson lék á 69 höggum og endar í 6. sæti á samtals 13 undir pari. Hann verður því að láta Donald eftir efsta sæti peningalistans í ár. Trevor Immelman og fleiri deila 6. sætinu með Simpson að þessu sinni.

Mikill spenna var á lokaholunum um hverjir halda kortinu sínu á næsta ári, en allar hreyfingar á skortöflunni í dag hafði áhrif á gang mála þar.

Lokastaðan.

Mynd: Nordic Photos

Eftir að hafa verið tveimur höggum frá efsta sætinu fyrir lokadaginn á the Sanya Ladies Open í Kína, lék Frances Bondad lokahringinn í gær á 67 höggum og landaði þar með sínum fyrsta sigri á Ladies European Tour mótaröðinni.

Bondad, sem er 23 ára og er frá New South Wales, fékk fugl á lokaholunni, þeirri 54. og endaði á 11 höggum undir pari samtals, einu höggi betur en Vikki Lang frá Skotlandi, sem varð í 2. sæti. Með sigrinum fær Bondad þriggja ára keppnisrétt á LET mótaröðinni, auk tæplega 5 milljóna króna í verðlaun.

“Mér finnst þetta ekki raunverulegt,” sagði Bondad eftir sigurinn brosandi eftir að vinir hennar höfðu gefið henni vatnsbað í tilefni sigursins. “Ég hef ekki náð þessu ennþá.”

Ashleigh Simon frá Suður-Afríku og Pan Yan Hong frá Kína höfnuðu í 3. sæti á 8 undir pari.

Lokastaðan.

Mynd: iGolf.is

Rory McIlroy og Darren Clarke freista þess að verða fyrstu Evrópubúarnir til að vinna PGA Grand Slam of Golf í yfir 20 ár. Þetta mót, sem er 36 holur og er bara fyrir fjóra keppendur, þá sem unnu á risamótunum fjórum í sumar. Það eru því þeir Rory og Clarke, auk Charl Schwartzel og Keegan Bradley sem verða þarna.

Helstu erfiðleikarnir hjá Rory verður að komast yfir flugþreytuna, en hann var í Kína á kynningarmótinu um daginn, þar sem hann og Westwood og Iam Poulter léku á 7 völlum á 7 dögum, 18 holur við heimamann. Rory endaði neðstur af þessum fjórum og spurning hvort að flugþreytan hafi angrað hann eftir flugið til Kína.

Síðasti kylfingurinn frá Evrópu til að vinna Grand Slamið var Ian Woosnam, sem vann Ian Baker-Finch, Payne Stewart og John Daly, árið 1991.

Þetta fjögurra manna mót hefst í dag.

Golfkirkjugarðurinn

Nú hefur verið opnaður nýr golfvöllur í bænum Bellevue í Washington fylki í Bandaríkjunum, Það óvenjulega við þennan völl er að kylfingarnir eru sex fet undir yfirborði jarðarinnar.

Sunset Hills Memorial Park and Funeral Home hefur hannað kirkjugarð sem er í raun einnar holu golfvöllur, með risastórri flöt, snöggslegnu svæði á leið og sandglompu. Í kirkjugarðinum er pláss fyrir 1281 golfara, en gert er ráð fyrir bæði venjulegum greftrunum og þeim sem vilja láta brenna sig.

Aska þeirra sem láta brenna sig er sett í golfholuna sjálfa á flötinni á “vellinum.”

Arne Swanson markaðsstjóri “golfvallarins” útskýrði þetta atriði fyrir þá sem ekki skyldu þetta alveg: “Það er hvelfing undir flötinni,” sagði hann. “Það er stútur sem liggur upp að holunni að neðanverðu.”

Swanson þessi, fékk þessa hugmynd fyrst fyrir 5 árum síðan, að gera svona “golfvöll,” fyrir mestu golffíklana þegar hann sá fjölskyldu dreyfa ösku látins kylfings á heimagolfvellinum sínum.

Þá segir Swanson að greftrun þarna hjá honum kosti ekki meira en í öðrum kirkjugörðum, sem bjóða hefðbundnari leiðir. Völlurinn hefur þegar opnað og áætlað er að fyrsta jarðarförin verði þarna fljótlega.

Mynd: Nordic Photos

Eins og kom fram hér á iGolf sigraði ben Crane á McGladrey mótinu á PGA Tour í gær. Hann raðaði inn fuglum á lokaholunum, komst í bráðabana gegn Webb Simpson og vann á annarri holu, þar sem Simpson klikkaði á rúmlega meters pútti.

Á LPGA Tour var leikið á Sime Darby LPGA Malaysia á Kuala Lumpor. Þar sigraði Na Yeon Choi á samtals 15 höggum undir pari. Yani Tseng, besti kylfingur heims varð önnur á 14 undir pari og Azahara Munoz frá Spáni þriðja á 10 undir.

Fred Couples sigaði á AT&T mótinu, sem er á Champions Tour mótaröðinni, á samtals 23 höggum undir pari. Hann lék fyrsta hringinn á 65 höggum, annan á 62 og lokahringinn á 66 höggum, sem gaf honum 7 högga sigur á mótinu. Þetta var annar sigur Fred Couples á mótaröðinni á þessu ári, en hann vann eitt mót í fyrra líka, en þá var hann nýliði á mótaröð hinna “heldri.”

Það voru því Crane, Choi og Couples sem sigruðu á helstu bandarísku mótaröðunum um helgina, það er PGA Tour, LPGA Tour og Champions Tour.

Mynd: Nordic Photos

Efsta kvenkylfingur heims, Yani Tseng, landaði sínum sjötta sigri á LPGA mótaröðinni um helgina á LPGA Hana Bank Championship mótinu í Suður-Kóreu. Þetta var hennar tíundi sigur á golfmóti á heimsvísu á þessu ári.

Þrátt fyrir alla þessa sigra hjá henni þá virðist sem hún fái aldrei þá viðurkenningu og þá athygli sem hún á skilið.

Þau eru orðin nokkur metin sem hún á. Til dæmis þegar hún vann LPGA Championship mótið í maí, sem er risamót, varð hún yngsti kylfingur sögunnar til að hafa unnið fjögur risamót, bæði í kvennagolfinu og karlagolfinu.

Yani var hyllt vel í Suður-Kóreu í gær eftir sigurinn á LPGA Hana Bank mótinu, þegar hún var keyrð um í skreyttum golfbíl og fjölmargir áhorfendur klöppuðu henni lof í lófa.

Mynd: iGolf.is

Valdís Þóra og liðsfélagar hennar í Texas State háskólanum eru efstar fyrir lokahringinn á Johnie Imes Invitational mótinu sem hófst í gær með tveimur hringjum á Old Hawthorne golfvellinum í Missouri, en mótið er hluti af bandarísku háskólamótaröðinni.

Valdís Þóra lék fyrri hringinn í gær á 74 höggum, tveimur yfir pari. Þrír skollar og einn fugl hjá henni í gærmorgun, sem setti hana í 14. sæti eftir fyrsta hring, en keppendur eru 87 talsins, þannig að þetta er fínt hjá henni.

Seinni hringinn í gær lék hún svo á 75 höggum, þremur yfir pari og er því samtals á 5 höggum yfir pari fyrir lokahringinn og er í 15. sæti á mótinu.

Lið hennar, Texas State er í efsta sæti á samtals 9 yfir pari, með örugga forystu á mótinu, en það eru heil 11 högg í næsta lið.

Staðan.

Mynd: Nordic Photos

Bill Haas, sem tapaði fyrstu tveimur umspilum sínum á tímabilinu, vann það þriðja og mikilvægasta af þeim öllum, er hann sigraði Hunter Mahan í umspili á Tour Championship mótinu sem lauk í gær.

Það dugði Haas að fá par á þriðju holunni í umspilinu til að sigra á mótinu og ná sér í bónusinn að auki, samtals 11,4 milljón Bandaríkjadala, um 1.345 milljónir íslenskar.

Haas vonast til að þessi sigur verði til þess að Fred Couples velji hann í lið Bandaríkjamanna fyrir Presidents Cup, en hann tilkynnir hver fær þetta eina sæti sem eftir á morgun.

Það var frekar langsótt fyrir helgina að það myndi verða Bill Haas sem myndi vinna mótið og hvað þá bónusinn líka, en hann var í 25. sæti og það þurfti því margt að ganga upp svo hann ynni tvöfalt. Og það gerði það. Webb Simpson, sem var efstur á stigalistanum fyrir helgina, endaði í 22. sæti í gær og endaði því í 2. sæti og allir hinir sem voru með að minnsta kosti einn fingur á bikarnum, léku illa lokahringinn.

Haas lék í gær á 68 höggum og lauk keppni samtals á 8 höggum undir pari eins og Mahan. Þeir léku því í umspili um bæði sigurinn á mótinu og um bónusinn stóra.

Flottasta högg Haas á mótinu var er bolti hans var í vatni á annarri holu í umspilinu, en stóð þó að mestu upp úr vatninu. Haas sló hann upp og upp að pinna, bjargaði parinu og vann svo á næstu holu.

“Ég hélt að ég hefði 1 högg af honum á annarri holunni, en það var eins og hann ætti að vinna að þessu sinni,” sagði Mahan.

Lokastaðan.

Ólafur Már Sigurðsson

Ólafur Már Sigurðsson úr GR lék á 69 höggum (-3) á úrtökumótinu fyrir European Tour í gær á Fleesensee golfvellinum í Þýskalandi. Hann er samtals á 2 undir pari eftir 3 hringi og á góða möguleika á að komast á 2. stigið ef hann spilar vel á í dag.

Þórður Rafn lék á 77 höggum og er í 74. sæti eftir daginn, samtals á 13 höggum yfir pari og á enga möguleika á að komast áfram.

Lokahringurinn er semsagt í dag og Ólafur Már fór út klukkan 06.10 að íslenskum tíma.

Staðan.

Ólafur Már Sigurðsson

Ólafur Már Sigurðsson og Þórður Rafn Stefánsson úr GR léku annan hring sinn í dag á úrtökumóti fyrir European Tour á Fleesensee golfvellinum sem er rétt fyrir norðan Berlín. Ólafur Már lék á 73 höggum (+1) og er í 38. sæti ásamt nokkrum öðrum á 1 yfir pari samtals.

Stefán Rafn lék í dag á 76 höggum (+4) eins og í gær og er því samtals á 8 höggum yfir parinu og neðarlega á skortöflunni.

“Ég var að slá frekar illa í byrjun, var komin á 3 yfir eftir 5 holur, en svo náði ég að snúa þessu við og spilaði mjög vel sem eftir var,” sagði Ólafur Már eftir hringinn.

“Ég ætla að halda áfram að gera það sem ég hef verið að gera, ég er vel æfður og hef verið að spila vel þó skorið mætti vera betra.”

Staðan.

Ólafur Már Sigurðsson

Ólafur Már Sigurðsson og Þórður Rafn Gissurarson báðir úr Golfklúbbi Reykjavíkur léku fyrsta hring sinn á úrtökumóti fyrir European Tour í dag á Fleesensee golfvellinum sem er rétt fyrir norðan Berlín, en þeir eru þarna ásamt kylfusveinum sínum og þjálfara.

Ólafur Már lék á sléttu pari, 72 höggum, fékk 3 fugla, 12 pör og 3 skolla á hringnum. Hann er í 30. sæti jafn nokkrum öðrum eftir daginn, en 30 efstu komast áfram eftir 72 holur.

Þórður Rafn skilaði sér heim á 76 höggum (+4) og er í 73. sæti af 92 keppendum.

“Þetta gekk bara nokkuð vel, ég sló vel í dag, bæði af teig og járnahöggin voru góð. Maður getur alltaf sagt að maður eigi að vera betri, en ég upplifði þetta að ég hafi spilað vel og parið er niðurstaðan, sagði Ólafur Már meðal annars eftir hringinn í dag.

Alls ekki slæm byrjun hjá Ólafi og verður gaman að fylgjast með þeim félögum í áframhaldinu.

Staðan.

Mynd: Nordic Photos

Þá er ljóst hverjir komust á lokamótið á FedEx Cup listanum, en aðeins 30 kylfingar komast þangað. Webb Simpson er efstur á listanum að sjálfsögðu, en ef hann vinnur ekki mót sem hann er á þá er hann einn af fimm efstu eða svo, varð í fimmta sæti nú um helgina á BMW mótinu Dustin Johnson er í öðru sæti og sigurvegari helgarinnar Justin Rose er í 3. sæti. Næstir koma Luke Donald og matt Kuchar, þá Brandt Snedeker og svo Nick Watney.

En það er líka athyglisvert að skoða hverjir rétt misstu af sæti á lokamótinu. Í 31. sæti er Martin Laird og í 32. sæti er Charl Schwartzel. Þá er Camilo Villegas í 33. sæti og Kyle Stanley í því 34.

Jim Furyk er þarna líka aðeins neðar svo og Riskie Fowler og Sergio Garcia.

Skoða listann hér.

Mynd: Nordic Photos

The World Golf Hall of Fame & Museum hefur gefið út lista yfir þá sem koma til greina sem næstu meðlimir í Frægðarhöllina og verða teknir þangað inn á árinu 2012.

Phil Mickelson, Jim Furyk og Loren Roberts voru síðustu nöfnin sem komu inn af PGA Tour og Miguel Angel Jiménez var síðastur inn á alþjóðlega listann.

Þessir tveir listar verða nú sendir til þeirra sem greiða atkvæði fyrir þessa útnefningu, en það eru meðal annars þeir sem eru meðlimir Hall of Fame, golf blaðamenn, sagnfræðingar og aðrir golffréttaskýrendur víða í heiminum.

Atkvæðum skal skila inn fyrir lok október mánaðar og niðurstaðan verður svo kynnt seinna á árinu. Það verður síðan, eins og alltaf, á Players mótinu í maí, sem þeir útvöldu verða formlega teknir inn í höllina frægu við hátíðlega athöfn.

PGA Tour listinn:
Miller Barber
Fred Couples
Jim Furyk
Don January
Tony Lema
Davis Love III
Harold (Jug) McSpaden
Phil Mickelson
Mark O’Meara
Loren Roberts
Macdonald Smith
Dave Stockton
Ken Venturi
Fuzzy Zoeller

Alþjóðlegi listinn:
Peter Alliss
Darren Clarke
Max Faulkner
Retief Goosen
Miguel Angel Jimenez
Sandy Lyle
Graham Marsh
Colin Montgomerie
Norman Von Nida
Ian Woosnam

Mynd: Nordic Photos

Open de España Femenino hófst í morgun á Ladies European Tour (LET) þar sem þrjár úr Solheim Cup liði Evrópu eru meðal keppenda.

Þær eru Laura Davies, sem á titil að verja um helgina, Melissa Reid og svo heitasti kylfingurinn á LET mótaröðinni, Caroline Hedwall, sem hefur sigrað á þremur mótum á mótaröðinni í ár, en hún er nýliði. Leikið er á La Quinta golfvellinum á Marbella á Spáni.

Hedwall sem er 22 ára og frá Svíþjóð mætir fersk í mótið eftir vikufrí heima sagði: “Það var gott að eiga eina viku frí í æfingar heima og mér líður mjög vel. Mér líður eins vel og þegar ég var í Austurríki (þar vann hún síðast fyrir hálfum mánuði) og vonandi spila ég eins vel og þar.”

Fylgist með gangi mála hér.

Mynd: Nordic Photos

Nýjasta afrekið hennar var að vinna the Walmart NW Arkansas Championship eftir umspil við Amy Yang. Þetta er fimmti sigur hennar á árinu og hún er langefst á heimslistanum hjá konunum, Rolex listanum og má segja að í öllum mótum sem hún tekur þátt í er hún líklegasti sigurvegarinn.

Flestir eiga sér ábyggilega annan uppáhaldskylfing, eins og til dæmis Michelle Wie, eða Paulu Creamer, eða jafnvel hina ungu Alexis Thompson. Allir þessir kylfingar eiga það sameiginlegt að geta unnið mót. En Tseng virðist hafa það umfram hinar, að ef hún kemst í þá stöðu að vera ofarlega á móti, þá vinnur hún mótið mikið oftar.

Ef litið er á “statistíkina” hjá Yani Tseng þá er hún númer eitt í hittum flötum á tilætluðum höggafjölda, númer eitt í högglengd með drævernum og númer þrjú í púttunum. Það þýðir að það eru aðeins tvær þarna úti sem pútta aðeins betur en hún, en það er ábyggilega ekki mikið betur.

Everybody loves Ray....... nei, Phil Mickelson.

PGA Tour kylfingurinn Phil Mickelson er ekki bara góður á golfvellinum, hann er líka góðhjartaður maður. Hann og kona hans, Amy, gáfu 1500 börnum í San Diego allt sem til þarf í skólann, en þetta var að sjálfsögðu fyrir börn fátækra í borginni.

Mickelson hjónin eru með átak á hverju ári sem þau kalla Start Smart og er hugsað til að hjálpa börnum til menntunar af fátækum heimilum. Að þessu sinni gáfu þau börnum í fyrsta til fjórða bekk skólavörur og fatnað til að byrja skólann með allt sem til þarf.

“Þegar börnin hafa ný föt og allar skólavörur, þá hafa þau mun betra sjálsmat,” sagði Mickelson við þetta tækifæri. “Þá eru börnin ánægðari og námið gengur betur. Ég og konan mín, Amy, höfum mikinn áhuga á þessu starfi.

“Markmið okkar eru metnaðarfull í þá veru að bæta menntun barna,” segir Mickelson.

Mynd: Nordic Photos

Adam Scott, Charl Schwartzel og Bubba Watson eru jafnir í efsta sæti á Deutsche Bank Championship mótinu í Boston eftir tvo hringi. Schwartzel lék annan daginn í röð á 66 höggum, Bubba lék á 64 höggum, en Adam Scott átti besta hring gærdagsins, kom inn á 8 undir pari, 63 höggum. Þeir eru allir á samtals 10 höggum undir parinu.

Brandt Snedeker er einu höggi á eftir þeim á samtals 9 undir og Nick Watney er í 5. sæti á 8 undir. Fimm kylfingar koma svo jafnir í 6. sæti á 7 undir, en það eru þeir Rickie Fowler (67), Jerry Kelly (69), Jason Dufner (67), Chez Reavie (68) og Ernie Els (65).

Tuttugu og einn kylfingur náði ekki niðurskurðinum, en af 100 keppendum ná 70 áfram og þeir sem eru jafnir 70. sætinu. Meðal þeirra sem ekki náðu áfram eru Ian Poulter, K.J. Choi, Vijay Singh og Anthony Kim.

Staðan.

Mynd: iGolf.is

Hið árlega fjölmiðlamót fór fram á Kirkjubólsvelli í Sandgerði á föstudaginn. Allir helstu fjölmiðlar landsins mættu með lið til leiks og jafnvel fleiri en eitt lið.

Keppnisfyrikomulag á mótinu var punktakeppni og það var A-lið RÚV sem nældi sér í flesta og sigraði því á mótinu, en þeir kræktu sér í 101 punkt.

Í liðinu voru þeir Þórhallur Gunnarsson, Bjarni Guðmundsson, Björn Malmqvist og Haraldur Jónasson, en þrjú bestu skorin töldu, en mest máttu fjórir vera í hverju liði.

Í einstaklingskeppninni var Þórhallur Gunnarsson langbestur, skilaði sér inn á 37 punktum, sem er frábært skor. Hann fékk að launum fínan gsm síma með snertiskjá.

Mynd: Nordic Photos

Fjórir deila efsta sætinu á Omega European Masters þegar mótið er hálfnað á samtals 8 höggum undir pari Crans sur Sierre vallarins. Þetta eru þeir Rory McIlroy (65-69), Simon Dyson (66-68), Gary Boyd 65-69) og Jamie Donaldson (68-66).

“Það er flott að hafa suma af topp kylfingunum svona ofarlega, Lee er á 6 undir, Martin á 7 og ég á 8,” sagði Rory meðal annars í dag.

Fimm kylfingar eru jafnir í 5. sæti, bara höggi á eftir þeim á toppnum, Daugherty, Willett, Van Zyl og Zanotti, auk Kaymer.

Níu kylfingar eru svo tveimur höggum frá toppnum, þeirra á meðal Westwood, eins og fyrr segir, Manassero, Alex Noren, Thomas Björn og Sören Kjeldsen.

Spennandi helgi framundan á einu flottasta sviði í heimi, í Ölpunum.

Staðan.

Mynd: Nordic Photos

Eins og greint var  frá um daginn verður JB Holmes frá um tíma vegna aðgerðar sem hann þurfti í vegna þrýstings sem myndast hafði við heila hans og truflaði jafnvægissky hans. Aðgerðin var gerð í gær og gekk mjög vel.

Það var Dr. George Jallo sem stýrði aðgerðinni á Jihns Hopkins sjúkrahúsinu í Baltimore, sem tók um 90 mínútur. Jallo tilkynnti svo fjölskyldu Holmes að aðgerðin hafi gengið mjög vel.

“Þetta gekk allt mjög vel,” sagði umboðsmaður Holmes, Terry Reilly. “Þetta var orðinn talsverður þrýstingur við heilann. Hann var meiri en þeir héldu eftir myndatökurnar. Læknarnir halda að þetta eigi eftir að hjálpa honum mikið.”

Holmes hafði átt í vandræðum með jafnvægið síðan á Players mótinu í maí og það tók nokkurn tíma að finna út hvað var að. Nú er hann á góðum batavegi og mætir aftur til leiks eftir 3 mánuði, ef allt fer eftir áætlun.

Mynd: Nordic Photos

Rory McIlroy, sem sigraði á US Open um daginn, telur að samband sitt við efstu konu heimslistans í tennis, Caroline Wozniacki geti hjálpað honum að ná 1. sæti heimslistans í golfi. Hann hefur eytt síðustu tveimur vikum með henni í Bandaríkjunum, nálægt Yale háskólanum.

Rory trúir því að samband þeirra hafi góð áhrif á íþróttaferil beggja, eins og hann sagði nýlega í viðtali við blaðamenn.

“Ég er ekki í vafa um að við getum hjálpað hvort öðru. Hún er númer eitt á heimslistanum og ég hef unnið risamót og við viljum bæði ná því sem hitt hefur þegar náð,” sagði Rory, sem er núna númer 6 á heimslistanum í golfi.

“Það er markmið mitt að verða besti kylfingur í heimi.”

“Hún er mikill vinnuhestur, en ég get lært margt af henni þar,” heldur hann áfram. “Í tennis þarf maður að vera í mun betra líkamlegu formi en í golfi,” og bætir því við að hann er mikill tennis áhugamaður. “Þau setja mikla vinnu í þetta, virkilega mikla. Það er ótrúlegt hvernig þau komast á fætur á morgnana eftir allt þetta púl.”

“Ég dáist að því.”

Rory gerir sér alveg grein fyrir því að hann verður ekki númer 1 alveg á næstunni, því Luke Donald hefur gott forskot á toppnum. En ef hann vinnur í Sviss þá næði hann líklega 3. sætinu.

Mynd: Nordic Photos

Eftir að hafa leikið á 21 móti í röð án þess að ná niðurskurðinum í eini einasta þeirra, er Nick Daugherty frá Englamdi efstur á Omega European Masters mótinu, sem hófst í dag á Crans sur Sierre golfvellinum í Sviss.

Daugherty lék á 63 höggum og hefur tveggja högga forystu á Rory McIlroy, Martin Kaymer og fleiri sem eru jafnir í 2. sæti. Fjórir fuglar á fyrri níu og fjórir á seinni skilaði honum heim á 8 undir, en hann tapaði hvergi höggi.

Síðasta mótið sem Daugherty náði niðurskurði (við erum ekki að tala um að hann náði að vinna, bara að hann fékk að spila um helgina) var í Hong Kong í nóvember. Kappinn hefur verið í frjálsu falli á heimslistanum og er sem stendur í 791. sæti.

Og þetta gerir Daugherty á þokkalega sterku móti, því þarna eru auk McIlroy og Kaymer, sem eru í toppbaráttunni, Lee Westwood, Darren Clarke, Thomas Björn, Molinari bræður, Matteo Manassero, Larrazábal. Jiménez svo einhverjir séu nefndir.

“Þetta er mikill viðsnúningur,” sagði Daugherty í dag eftir hringinn góða.”Ég vil gjarnan hafa svolitla dramatík í þessu.”

Þeir sem þurfa að gera vel á morgun til að fá að vera með um helgina eru Colin Montgomerie, sem lék á 5 höggum yfir pari og Olazabal lék á 4 yfir, en báðir eru meðal þeirra allra neðstu.

Staðan.

Mynd: Nordic Photos

Næsta mót sem Tiger Woods ætlar að taka þátt í á PGA Tour er í Kaliforníu, Frys.com mótið sem verður í október. En það er svo annað mót seinna, líka í Kaliforníu í byrjun desember þar sem Tiger er í hlutverki gestgjafans, Chevron World Challange mótið.

Til að fá keppnisrétt á Chevron mótið þarftu að vera á topp 50 á heimslistanum. Tiger byrjaði þetta ár sem númer 2 á þeim lista, en er núna númer 38. Það gæti því vel farið svo að kappinn myndi ekki fá að vera með á sínu eigin móti, ef svo mætti segja. Miðað er við þá sem verða á topp 50 á heimslistanum þann 20. september, eða strax að loknu BMW Championship mótinu. Það þýðir að ef kylfingar sem eru fyrir neðan Tiger á heimslistanum fara að gera einhverjar rósir, þá gæti hann auðveldlega dottið út af topp 50.

Framkvæmdastjóri mótsins Greg McLaughlin sagði að þeir væru ekkert mikið að velta þessu fyrir sér ennþá. “Við erum sannfærð um að hann verði á topp 50 á heimslistanum og fái því keppnisrétt,” sagði hann.

Hann endaði svo á einni kaldhæðnislegri setningu í lok viðtalsins: “Ef ekki þá þyrfti hann að fá undanþágu og við höfum tvær.”

Mynd: Nordic Photos

Rocco Mediate er þekktur fyrir að vera blátt áfram og hreinskilinn náungi sem segir það sem honum býr í brjósti. Jafnvel þegar að það kemur að viðkvæmum umræðuefnum, eins og til dæmis Tiger Woods.

“’eg elska hvernig hann spilaði, en ég fær hroll þegar ég hugsa um hvað hefur gengið á hjá honum, því þetta er sorglegt fyrir golfið,” sagði Mediate í gær, en hann er að spila í Pittsburgh núna á Nationwide Tour. “Margir kylfingar gleðjast yfir óförum Tiger Woods, það geri ég ekki.”

Mediate tapaði í bráðabana fyrir Tiger Woods á US Open 2008, en það er síðasti risatitill hans. Nú leika þeir á sama mótinu í haust á Frys.com Open, en Mediate sigraði á mótinu í fyrra.

“Við þurfum að hafa Tiger á toppnum, því hann er aðal aðdráttaraflið. Það er frábært að allir hinir eru að vinna, en þeir eru ekki Tiger Woods.”

“Það sem er að gerast með Tiger er ekki gott. Sean kann ákveðna hluti, en þeim gengur ekki vel með Tiger. Þessvegna er hann ekki að hitta brautirnar.”

“Þegar Haney vann hjá Tiger var það alger eyðilegging,” heldur Mediate áfram. “Ef þetta hefði verið ég (sem þjálfaði Tiger þá) hefði ég sagt við Tiger: ‘Heyrðu félagi, ég er ekki að hjálpa þér. Þú er að verða verri eftir þetta. Þú hefur brotnað niður þrisvar og farið í 57 skurðaðgerðir. ‘”

Svo sagði Mediate frá því að hann hafi ekki átt neinn þátt í að fá Tiger til að spila á Frys.com Open, en honum hlakkar til að spila þar.

“Hann er að reyna að koma sér í spilaæfingu,” sagði Mediate um það að Tiger spilar á mótinu. “Hann ætlar að koma sveiflunni í lag. Þegar hann nær henni aftur verður hann fljótlega númer 1 aftur og lífið heldur þá loksins áfram sinn vanagang.”

Mynd: iGolf.is

Þrátt fyrir að hafa aðeins tekið þátt í sjö LPGA mótum, valdi Rosie Jones fyrirliði Solheim Cup liðs Bandaríkjanna, Ryann O’Toole í lið sitt, en fyrirliðinn má velja tvo leikmenn í liðið að eigin geðþótta.

Margir hafa gagnrýnt val Jones á O’Toole, en aldrei áður hefur kylfingur verið valinn í liðið með svo litla reynslu.

Aðrir taka undir með fyrirliðanum og segja val hennar alveg réttlætanlegt, O’Toole hafi náð 5. sæti á Safeway mótinu um daginn og verið á topp 10 á US Womens Open. Aðrir kylfingar hafi haft lengri tíma til að láta á sér bera, en ekki tekist að láta verkin tala úti á golfvelli.

O’Toole þykir mikil keppnismanneskja og ætti því að þrífast vel í móti eins og Solheim Cup.

Liðið í öllu sínu veldi

Golflið Bethany framhaldsskólans í Kansas er búið að koma sér í vandræði vegna myndar sem tekin var af liðinu þeirra, en allir voru naktir á henni. Einhverjum snillingnum datt í hug að gera þetta til gamans, en myndin átti aldrei að birtast opinberlega, en einhver lak henni á Facebook.

Skólayfirvöld í Bethany skólanum hafa sett liðið í leikbann vegna þessa og telja það hæfilega refsingu að láta liðið sitja heima í næstu þremur golfmótum sem þeir eiga að keppa á.

Allir 15 leikmenn skólans sitja fyrir, eða réttara sagt standa, naktir, en með golfkylfu fyrir framan sig til að hulja það allra heilagasta.

Fyrirliði liðsins ætlar að áfrýja leikbanninu til skólastjórans.

HK Open er punktakeppni með hámarksforgjöf upp á 28 hjá körlum og 36 hjá konum.  Skráning í golfklúbb er ekki skilyrði fyrir þátttöku, en þeir sem eru utan klúbbs geta skráð sig með því senda nafn, kennitölu og upplýsingar um forgjöf á netfangið valgeirto@gmail.com.

Vegleg verðlaun verða í boði og nándarverðlaun, m.a. frá Byko, Debenhams, Vodafone, Altis, Grillhúsinu, Hamborgarafabrikkunni, Myllunni, Ölgerðinni, Löðri, Rolf Johansen og Lystadún-Marco.  Von er á fleiri styrktaraðilum í vikunni.

Mótsgjaldið er 5000 krónur og skráning er hafin á www.golf.is

Fyrirkomulag Opna Carlsberg-mótsins er á þann veg að þeir sem eru með forgjöf 16 og minna leika höggleik með forgjöf en kylfingar sem eru fyrir ofan 16 leika punktakeppni með forgjöf.

Verðlaun eru eins og áður segir glæsileg, fjögur efstu sætin í hvorum flokki skila úttektarvinningum frá Hole in One – og mjöður með – og þá eru veitt nándarverðlaun á öllum brautum vallarins.

Skráning er hafin á golf.is.

Mynd: Nordic Photos

Bandaríski kylfingurinn J.B. Holmes leikur ekki meira með á PGA-mótaröðinni í ár þar sem hann gengst undir heilaskurðagerð í byrjun næsta mánaðar.  Holmes greindist með heilamein sem m.a. hafði áhrif á jafnvægisskyn, en batahorfur eru sagðar mjög góðar.

Holmes, sem er 29 ára og á m.a. tvo PGA-meistaratitla á afrekaskránni, hefur flakkað á milli sérfræðinga síðan í maí í fyrra, en treglega gekk að finna skýringar á skertu jafnvægi sem farið var að hafa nokkur áhrif á frammistöðuna á golfvellinum.  Meinið er loksins fundið og Holmes leggst undir hnífinn strax í næstu viku.

“Fólki bregður yfirleitt þegar minnst er á heilaaðgerðir, en þetta er tiltölulega einföld aðgerð sem ég gengst undir og henni fylgir lítil áhætta,“ sagði Holmes þegar hann greindi frá veikindum sínum. „Aðgerðin er oftast nær árangursrík og batahorfur eru mjög góðar. Það er léttir að búið sé að finna út úr því hvað það er nákvæmlega sem hrjáir mig og ég hlakka til að geta lifað eðlilegu lífi á nýjan leik.”
“Ég er mjög þakklátur fyrir allann þann stuðning sem ég hef fengið frá aðdáendum mínum, vinum og fjölskyldu og ég hlakka til að mæta aftur til leiks á næsta keppnistímabili.”

Mynd: iGolf.is

Fred Couples vann sinn fyrsta risasigur á Senior Players Championship mótinu, sem er á Champions Tour á sunnudaginn, er hann lék lokahringinn á 71 höggi, sléttu pari. Hann lauk keppni á samtals 11 höggum undir pari, eins og John Cook og þurfti því í umspil við hann, sem hann vann svo á þriðju holu.

Leikið var á Westchester Country Club golfvellinum, sem er þekktur PGA Tour völlur og sagði Coupls að hann hefði leikið þarna líklega yfir 100 sinnum á sínum 30 ára ferli sem atvinnumaður.

Þetta er fyrsti sigur Couples í ár á “heldri manna” mótaröðinni, en hann vann fjögur mót á síðasta ári á henni í fyrra.

Couples sigraði á þessu móti bara sex vikum eftir að hann fór í óhefðbundna bakmeðferð í Þýskalandi og þurfti að auki að berjast við stífa vinda og svo tveggja tíma töf vegna rigninga.

“Ég get ekki sagt að ég hafi verið að spila rosalega vel fyrir rigningarstoppið, en það var alls ekki lélegt,” sagði Couples eftir sigurinn á sunnudaginn. “Eftir að við byrjuðum aftur eftir stoppið, leið mér ekki vel. Ég átti nokkur góð teighögg, en ég var ekki að spila neitt sérstaklega vel.”

Með þessum sigri fær Couples keppnisrétt á The Players á næsta ári, en hann, Jack Nicklaus og Raymond Floyd eru einu kylfingarnir sem hafa unnið þetta mót og svo The Players líka.

“Þetta er frábært,” sagði Couples. “Ég fæ að spila með stóru folunum, það verður gaman.”

John Cook varð í öðru sæti á mótinu eftir tapið í bráðabananum og Peter Senior varð þriðji á 10 undir pari.

Lokastaðan.

Helstu úrslit urðu:

Mynd: iGolf.is

18 ára og yngri:

1. sæti – GK með 4 leiksigra og 12 vinninga
2. sæti – GR með 3 leiksigra og 9 vinninga
3. sæti – GKG með 2 leiksigra og 5 vinninga
4. sæti – GSS með 1 leiksigur og 2 vinninga

15 ára og yngri:

1. sæti – GHD með 4 leiksigra og 10 vinninga (unnu á innbyrðis viðureignum)
2. sæti – GR með 4 leiksigra og 10 vinninga
3. sæti – GK-A með 3 leiksigra og 11 vinninga
4. sæti – GS/GO með 3 leiksigra og 8 vinninga

iGolf óskar sigurvegurunum til hamingju með árangurinn.

Mynd: golf.is

Arnór Ingi Finnbjörnsson og Ólafía Þórunn Kristinsdóttir,úr GR, eru Íslandsmeistarar í holukeppni árið 2011 en mótinu lauk í gær á Strandarvelli á Hellu. Arnór Ingi vann heimamanninn Andra Má Óskarsson úr GHR í úrslitaleik. Bráðabana þurfti til að skera úr um sigurvegara en leikur þeirra fór alla leið á 19. holu.

Í kvennaflokki vann Ólafía Þórunn Kristinsdóttir, Signýju Arnórsdóttur úr Keili í úrslitaleik, 6/5. Ólafía Þórunn virðist ósigrandi í kvennaflokki í ár, hún er líka Íslandsmeistari í höggleik, er efst á stigalista GSÍ, er klúbbmeistari GR og var í sigursveit GR sem varð Íslandsmeistari í sveitakepnninni um daginn. Einkar glæsilegt ár hjá henni.

Valdís Þóra Jónsdóttir úr Leyni varð í þriðja sæti eftir að hafa lagt Sunnu Víðisdóttur úr GR .

Lokastaðan í Íslandsmótinu í holukeppni:
1. sæti: Arnór Ingi Finnbjörnsson GR vann á 19.
2. sæti: Andri Már Óskarsson GHR
3. sæti: Andri Þór Björnsson GR vann 1/0
4. sæt: Þórður Rafn Gissurarson GR

1 sæti: Ólafía Þórunn Kristinsdóttir GR vann 6/5
2. sæti: Signý Arnórsdóttir GK
3. sæti Valdís Þóra Jónsdóttir GL vann 2/1
4 sæti. Sunna Víðisdóttir