Mynd: NordicPhotos

Það hefur eflaust ekki farið framhjá neinum að Superbowl, úrslitaleikur NFL-deildarinnar, fer fram næstkomandi sunnudagskvöld. Af því tilefni ætla meðlimir NFL-klúbbsins á Íslandi að vera með útvarpsupphitun, á FM 98.3, um helgina þar sem hitað verður upp fyrir leikinn og íþróttin kynnt fyrir hlustendum. Útsendingin hefst kl. 14.00 í dag. Sérstakt Superbowl-partý verður svo haldið á sportbarnum Úrillu górillunni og hefst það kl. 18.00 á sunnudaginn, fimm klukkustundum áður en leikurinn sjálfur hefst.

NFL-klúbburinn var stofnaður árið 2009 og hefur hann farið ört vaxandi síðan. Sérstakur tippleikur verður í gangi á meðan Superbowl-partýið fer fram og verða veglegir vinningar í boði. Nánari upplýsingar um viðburðinn og útvarpsupphitunina má finna á vefsíðunni facebook.com/nflsport.

Mynd: Nordic photos

Eins og sport.is greindi frá í fyrradag varð allt brjálað í leik í Egyptaland þann daginn. Yfir 70 manns létust og yfir þúsund eru slasaðir eftir að allt sauð uppúr þegar að Al-Ahly og Al Masry mættust. Al-Masry vann leikinn 3-0 og þegar að leikurinn var flautaður af þustu áhorfendur inn á völlinn og réðust að leikmönnum Al-Masry sem að áttu fótum sínum fjör að launa. Áhorfendur köstuðu steinum, flöskum og flugeldum í átt að hvor öðrum.

Nú hefur alþjóða knattspyrnusambandið FIFA heimtað greinagóða skýrslu frá Egyptum um hvað átti sér stað þetta örlagaríka kvöld. Sepp Blatter, formaður FIFA, hefur sent bréf til formanns egypska knattspyrnusambandsins  Samir Zaher. Í bréfinu stendur að allir samhryggist Egyptum um hvernig fór en Blatter vonast til þess að fá góða skýrslu um hvað fór úrskeiðis svo hægt sé að koma í veg fyrir að þetta gerist aftur. Þriggja daga þjóðarsorg hefur verið lýst yfir í Egyptalandi vegna málsins.

Formaður afríska knattspyrnusambandsins, Issa Hayatou, lét hafa eftir sér vegna málsins: “Allur afríski fótboltaheimurinn syrgir um þessar mundir.”

Við þessa frétt má einnig bæta að þrír leikmenn Al-Alhy hafa lagt skónna á hilluna eftir atvikið. Það eru þeir Mohamed Barakat, Mohamed Aboutrika og Emad Motaeb.

Hér má sjá myndband af atvikinu:
http://www.sport.is/fotbolti/2012/02/01/fotbolti-yfir-70-latnir-eftir-oeirdir-a-knattspyrnuleik-i-egyptalandi-myndband/

Mynd: Kristján orri

Skautafélagið Björninn hefur styrkt sig verulega fyrir lokasprettinn á Íslandsmóti karla í íshokkí. Þrír landsliðsmenn og fyrrum leikmenn liðsins, þeir Gunnar Guðmundsson, Róbert Freyr Pálsson og Úlfar Jón Andrésson, gengu allir til liðs við félagið áður en félagaskiptaglugganum lokaði í gær.

Þeir félagar koma allir frá Amager í Danmörku en léku með Birninum í fyrra. Björninn er í harðri baráttu við SR og SA Víkinga um tvö laus sæti í úrslitakeppninni í vor.

Bjarnarmenn standa ágætlega að vígi í þeirri baráttu en félagið freistar þess að vinna sinn fyrsta Íslandsmeistaratitil í vor.

Mynd: Nordic Photos

Einn frægasti hnekaleikaþjálfari allra tíma, Angelo Dundee, er látinn. Dundee er þekktastur fyrir að hafa þjálfað meistara Muhammad Ali í rúma tvo áragtugi en alls átti hann þátt í 15 heimsmeistaratitlum á ferlinum. Dundee lést á elliheimili í Flórída í gær, 90ára að aldri.

Dundee var fæddur í ágúst árið 1921 og þjálfaði marga heimsþekkta hnefaleikamenn á ferlinum, þar má nefna George Foremann, Carmenn Basilio, Luis Rodriguez og Sugar Ray Leonard svo einhverjir séu nefndir. Þá þjálfaði hann Mohammad Ali frá árinu 1960-1981 og átti stóran þátt í því að Ali sigraði George Foremann árið 1974. Þá var hann gestur í sjötugsafmæi Ali í seinasta mánuði.

Mynd: NordicPhotos

Það er ekki bara á Evrópumótinu í handknattleik þar sem leikmenn og þjálfarar eru sektaðir fyrir að mæta ekki á blaðamannafundi. Osi Umenyiora, leikmaður New York Giants í NFL-deildinni, hefur verið sektaður um 20 þúsund dollara, tæpar 2.5 milljónir króna, fyrir að missa af blaðamannafundi í aðdraganda Superbowl leiksins.

NFL-deildin tilkynnti um sekta innan við tveimur tímum eftir að blaðamannafundi Giants lauk á hóteli félagsins í gærmorgun. Umenyiora mætti þrátt fyrir þetta á liðsfund sem hófst strax að fjölmiðlafundinum loknum.

“Ég misskildi áætlunina. Þetta mun ekki koma fyrir aftur og ég mæti á fjölmiðlafundinn á morgun [í dag] og eftir leikinn á sunnudaginn. Ég biðst afsökunar á þessum óþægindum sem ég olli í morgun [í gær]“ sagði leikmaðurinn á Twitter.

New York Giants og New England Patriots mætast í Superbowl leiknum næstkomandi sunnudagskvöld. Leikurinn hefst kl. 23.00 og er í beinni útsendingu á ESPN America. Yfirgripsmikil upphitun hefst kl. 15.00 á sunnudaginn og stendur alveg fram að leik.

Sigurður Sigurðsson sigraði í fyrra

Fyrsta mótið af sjö í Meistaradeildinni í hestaíþróttum hefst á morgun í Ölfushöllinni kl. 19:00. Meistaradeildin er mótaröð sjö móta með hálfs mánaðar millibili, frá 31. janúar fram í lok apríl.  Á mótinu eru úrval bestu hestaíþróttamanna Íslands og fer keppnin fram annað hvert fimmtudagskvöld, oftast að Ingólfshvoli í Ölfusi. Meistaradeildin er einstaklings- og liðakeppni og eru 21 keppendur sem taka þátt, þar af sjö lið og þrír keppendur saman í hverju liði.

Fyrsta grein deildarinnar verður fjórgangur þar sem má gera ráð fyrir hörkuspennandi keppni því margar stórstjörnur eru skráðar til leiks. Fyrstur kemur fram Hinrik Bragason, sem reynir frumraun sína á stóðhestinum Katli frá Kvistum í íþróttakeppni en Hinrik er margfaldur heims-, Íslands- og Norðurlandameistari. Á eftir þeim koma mörg þraulreynd keppnishross og hátt dæmd kynbótahorss sem eru að stíga sín fyrstu skref í keppni. Síðastur í braut er sigurvegari Meistaradeildar 2011, Sigurður Sigurðsson á stóðhestinum Loka frá Selfossi en þeir sigruðu fjórganginn í fyrra.

Hér fyrir neðan má sjá hverjir eru skráðir til leiks og aðeins um hvern keppanda:

Knapar                                               Lið                                           Hestur
Hinrik Bragason                                Árbakki / Norður-Götur    Ketill frá Kvistum
Sigurbjörn Bárðarson                      Lýsi                                          Penni frá Glæsibæ
Þorvaldur Árni Þorvaldsson          Top Reiter / Ármót              Segull frá Flugumýri II
Ævar Örn Guðjónsson                     Spónn.is                                  Þokkadís frá Efra-Seli
Þórdís Erla Gunnarsdóttir              Auðsholtshjáleiga                Glefsa frá Auðsholtshjáleigu
Elvar Þormarsson                              Spónn.is                                  Þytur frá Oddgeirshólum
Sylvía Sigurbjörnsdóttir                 Ganghestar / Málning         Þórir frá Hólum
Eyjólfur Þorsteinsson                        Lýsi                                           Klerkur frá Bjarnanesi
John Kristinn Sigurjónsson             Hrímnir                                  Indía frá Álfhólum
Teitur Árnason                                   Árbakki / Norður-Götur     Hængur frá Hæl
Eyvindur Mandal Hreggviðsson    Auðsholtshjáleiga                Hersveinn frá Lækjarbotnum
Sigurður Vignir Matthíasson         Ganghestar / Málning          Kall frá Dalvík
Guðmundur Björgvinsson              Top Reiter / Ármót                 Hrafndynur frá Hákoti
Viðar Ingólfsson                                  Hrímnir                                   Vornótt frá Hólabrekku
Ólafur Ásgeirsson                              Spónn.is                                    Hugleikur frá Galtanesi
Hulda Gústafsdóttir                         Árbakki / Norður-Götur       Sveigur frá Varmadal
Lena Zielinski                                     Auðsholtshjáleiga                  Njála frá Velli II
Sara Ástþórsdóttir                            Ganghestar / Málning           Sóllilja frá Álfhólum
Artemisia Bertus                               Hrímnir                                  Óskar frá Blesastöðum 1A
Jakob Svavar Sigurðsson               Top Reiter / Ármót               Asi frá Lundum II
Sigurður Sigurðarson                      Lýsi                                           Loki frá Selfossi

Hér má sjá um liðin og keppendurnar á mótinu

Mynd: NordicPhotos

Lewis Hamilton og Jenson Button ökuþórar breska Formúlu 1 liðsins McLaren-Mercedes sviptu í dag hulunni af nýjasta keppnisbíl liðsins sem á að skáka Red Bull liðinu á næstkomandi keppnistímabili.

“Ég held að það hafi ekki verið gerðar jafn miklar endurbætur á bílnum í langan tíma svo ég hlakka mjög til þess að geta farið að keyra hann. Framendanum hefur verið breytt frá síðasta ári og einnig hliðum bílsins.” sagði Lewis Hamilton við afhjúpunina.

Hamilton lenti í nokkrum árekstrum við Felipe Massa, ökumann Ferrari, í fyrra og fagnar hann því að hliðarspeglum bílsins hafi verið breytt.

“Hliðarspeglunum hefur verið breytt örlítið svo vonandi sjáum við betur út um þá núna. Felipe Massa ætti að verða mjög ánægður með þessa breytingu.” sagði Hamilton í léttum dúr.

Myndir: NordicPhotos

Mynd: NordicPhotos

Peyton Manning, leikstjórnandi Indianapolis Colts, segist ekki vera á þeim buxunum að leggja skóna á hilluna og að endurhæfing hans á hálsmeiðslum sé á áætlun. Manning missti af öllu yfirstandandi tímabili og vann Colts aðeins 2 deildarleiki án hans.

“Áætlanir mínar hafa ekki breyst. Ég er á réttri leið og fylgi öllum fyrirmælum læknanna. Ég legg mjög hart að mér í endurhæfingunni.” sagði Manning á blaðamannafundi í aðdraganda Superbowl á Lucas Oil vellinum í Indianapolis.

Miklar vangaveltur hafa verið uppi um hvort að Manning verði samningslaus í sumar og hann yfirgefi liðið. Til að koma í veg fyrir að samningur Manning renni út þarf Colts að borga honum hvorki meira né minna en 28 milljónir dollara í bónus í marsmánuði. Það verða því að teljast góðar líkur á að Manning, sem er 36 ára gamall, haldi á önnur mið.

“Það er erfitt fyrir mig að svara þessu á þessari stundu. Ég mun halda viðræður við forsvarsmenn félagsins og ákvarðanir verða teknar í kjölfarið. Það mun gerast fljótlega.” sagði Manning.

Kjósi Indianapolis Colts að láta Manning fari verður að teljast ansi líklegt að liðið taki Andrew Luck, leikstjórnanda Stanford háskólans, en liðið getur valið fyrsta leikmanninn úr nýliða valinu í vor. Þá hafa því verið gerðir skórnir að Manning fari til New York Jets á næsta tímabili og leiki undir stjórn Rex Ryan. Mark Sanchez, leikstjórnandi Jets, hefur valdið gríðarlegum vonbrigðum eftir að hafa farið með liðið alla leið í úrslitaleik Þjóðardeildarinnar árið 2010.

Mynd: NordicPhotos

Danska tennisstjarnan Caroline Wozniacki hefur í samráði við föður sinn rekið þjálfara sinn, Spánverjann Ricardo Sanchez, en sá spænski hafði aðeins þjálfað hana í nokkra mánuði. Wozniacki var á toppi heimslistans í kvennaflokki fyri Opna ástralska tennismótið í janúar, en féll niður í það fjórða eftir að hún datt út í átta manna úrslitum mótsins.

Hún hafði freistað þess að vinna sitt fyrsta stórmót á ferlinum undir stjórn Sanchez á Opna ástralska, en hefur nú fengið nóg af honum.

Mynd: NordicPhotos

Wes Welker, hlaupari New England Patriots, segist ekki ætla að yfirgefa liðið eftir yfirstandandi tímabil í NFL-deildinni þrátt fyrir að hafa ekki skrifað undir nýjan samning við félagið. Samningur kappans rennur út eftir Superbowl-leikinn á sunnudaginn en hann gerir ráð fyrir því að hefja samningaviðræður fljótlega upp úr því. Núverandi samningur hans skilaði honum 18 milljónum dollara frá því hann gekk til liðs við félagið árið 2007 en nýr samningur myndi hækka hann verulega í launum.

“Ég geri ráð fyrir því að vera áfram hjá Patriots. Ég hef engar áhyggjur af því að samningurinn sé að renna út. Núna einbeiti ég mér að leiknum gegn Giants en ég er ekki á förum. Menn geta búið til einhverja sögu um þetta eftir að leiknum er lokið. Við erum mjög einbeittir og ef okkur tekst að vinna þennan leik þá munu samningaviðræðurnar leysa sig sjálfar.” sagði Welker við komuna til Indianapolis á sunnudaginn.

Leikur New England Patriots og New York Giants fer fram á sunnudagskvöldið og er leikurinn í beinni útsendingu á ESPN America á Fjölvarpinu.

Mynd: Tomasz Kolodziejski

SR lagði SA Víkinga að velli í kvöld, 4-1, er liðin áttust við í Skautahöllinni á Akureyri í afar þýðingarmiklum leik fyrir bæði lið á Íslandsmóti karla í íshokkí. SR fer með sigrinum upp í 26 stig í öðru sæti deildarinnar og er í lykilstöðu um að komast í úrslitakeppnina í vor.

SA Víkingar hafa 23 stig í þriðja sæti, en bæði liðin eru í harðri baráttu um sæti í úrslitakeppninni við Björninn sem er á toppi deildarinnar með 29 stig. Björninn hefur hins vegar leikið flesta leiki eða fjórtán, SA Víkingar tólf leiki en SR ellefu leiki. Hvert lið leikur sextán leiki í deildarkeppninni og fara tvö efstu í úrslitakeppnina. SR spilar bæði við Björninn og SA Víkinga í næstu viku og þeir leikir geta ráðið miklu um framhaldið.

SA 1-4 SR

Arnþór Bjarnason kom SR yfir í fyrsta leikhluta í kvöld fyrir norðan. Hann var svo aftur á ferðinni snemma í öðrum leikhluta og kom gestunum í 2-0. Björn Róbert Sigurðarson kom SR í 3-0 áður en Rúnar Freyr Rúnarsson minnkaði muninn fyrir SA seint í öðrum leikhluta. Pétur Macck gullryggði sigur SR-inga með marki þremur mínútum fyrir leikslok og gestirnir fögnuðu mikilvægum sigri í leikslok.

Mynd: Nordic Photos

Stórglæsilegri stjörnuhelgi í NHL lauk á sunnudaginn. Þar kepptu stjörnuliðin tvö, Team Alfredsson og Team Chara. Daniel Alfredsson og Zdeno Chara vorur fyrirliðar liðanna og sáu um að velja í þau.  Lið Alfredsson var talið heimalið, enda er hann leikmaður Ottawa Senators en stjörnuhelgin fór fram í Ottawa.

Á laugardaginn fór fram hæfileikakeppni í ýmsum mismunandi greinum þar sem að Team Alfredsson fór með sigur að hólmi. Þar var meðal annars keppt í hver skautar hraðast, skýtur fastast og er bestur að skora úr vítum. Helst ber þar að nefna að Zdeno Chara er skotfastasti maður NHL deildarinnar en hann skaut pekkinum á rúmlega 108 mílna hraða eða sem samsvarar 175 kílómetra hraða á klukkustund. Þetta skot dugði honum til sigurs í þeirri keppni.

En þá að stjörnuleiknum sjálfum. Það er heiðursmanna samkomulag að leikið er nánast án snertinga og engar tæklingar. Leikurinn var þó fjörugur og var til dæmis dæmt vítaskot, aðeins í annað skipti í sögu stjörnuleikja NHL. Steven Stamkos, sem leikur með Tampa Bay Lightning og hafði deginum áður sigrað í vítakeppni stjörnuhelgarinnar, með því að skora úr 6 vítum í röð, náði ekki að skora úr þessu víti en markvörður Detroit Red Wings, Jimmy Howard sá við honum. Leikurinn endaði 12-9 fyrir Team Chara. Leikmenn höfðu einnig ákveðið það fyrir leikinn að í hvert skipti sem að einhver skautari dytti á svellið þyrfti hann að greiða 1000 dali (123.000 íslenskar krónur) til góðgerðarmála. Menn voru því að reyna að fella hvern annan og var það skemmtilegt að sjá. Tónlistarmaðurinn Drake, sem er frá Kanada, hélt uppi stuðinu eftir 2. leikhluta. Það sem ótrúlegt var, að sjá að leikmenn stjörnuleiksins eru greinilega miklir aðdáendur Drake en þeir komu allir út úr búningsklefum sínum, út á svellið og hófu að taka myndir af Drake á sviðinu.

Besti leikmaður stjörnuleiksins var valinn Marian Gaborik, leikmaður Team Chara og New York Rangers. Hann skoraði þrjú mörk í leiknum.

Keppni í NHL deildinni hefst aftur í kvöld með 13 leikjum. Deildin hefur verið í fríi frá því á miðvikudaginn fyrir tæpri viku, sökum stjörnuleiksins.

Mynd: NordicPhotos

NFL goðsögnin John Elway, yfirmaður íþróttamála hjá Denver Broncos, vill fá leikstjórnanda til liðsins sem getur keppt um stöðuna við Tim Tebow sem sló rækilega í gegn á þessari leiktíð. Hann hefur gefið út að Tebow verði fyrsti kostur í stöðuna við upphaf næsta tímabils en þrátt fyrir það vill hann fá annan leikstjórnanda sem getur haldið honum við efnið.

“Við ætlum á leikmannamarkaðinn til að fá fleiri leikstjórnendur. Tim Tebow verður númer eitt þegar við förum í æfingabúðir en við munum skoða samningslausa leikmenn sem og menn úr nýliðavalinu.” sagði Elway.

“Við erum að leita okkur að öflugum íþróttamanni sem getur kastað boltanum fram völlinn úr vasanum. Allir leikmenn sem fara með okkur í æfingabúðirnar eiga möguleika á sæti í liðinu. Ef að menn eru hræddir við að þurfa að keppa við Tim Tebow um stöðu leikstjórnanda þá eru þeir ef til vill ekki réttu mennirnir í starfið.” bætti Elway við.

Algjört Tim Tebow æði skók heimsbyggðina á tímabilinu en þegar Tebow fékk tækifærið hjá Bronos hafði liðið aðeins unnið einn leik en tapað fjórum. Eftir að hann tók við snérist gengi liðsins og vann það sér sæti í úrslitakeppninni í fyrsta skipti síðan 2005. Tebow hefur þó verið harðlega gagnrýndur fyrir að geta ekki kastað boltanum en hann kláraði aðeins 46.5% sendinga sinna á tímabilinu og 40.4% þeirra sendinga sem hann gaf í úrslitakeppninni.

Mynd: NordicPhotos

New England Patriots hóf undirbúning sinn fyrir úrslitaleik NFL-deildarinnar í gær er liðið mætti á sína fyrstu æfingu eftir að hafa ferðast frá Boston til Indianapolis á sunnudaginn. Rob Gronkowski æfði ekki með liðinu í gær frekar en síðustu daga en hann meiddist á ökkla í sigrinum á Baltimore Ravens í úrslitaleik Ameríkudeildarinnar fyrir rúmri viku síðan.

Bill Belichick, þjálfari Patriots, sagði á blaðamannafundi eftir æfinguna að staða Gronkowski yrði metin dag fyrir dag en hann var íklæddur hlífðarstígvéli við komuna til Indianapolis á sunnudaginn.

Þrátt fyrir það gera leikmenn Patriots ráð fyrir því að hann verði tilbúinn í leikinn næstkomandi sunnudag en faðir hans hefur einnig tjáð sig um málið og sagt að hann muni spila gegn New York Giants. Gronkowski, sem er 23 ára gamall, átti frábært tímabil fyrir Patriots, hann hljóp 1327 yarda á tímabilinu og skoraði 17 snertimörk.

Novak Djokovic fagnar sigrinum í dag. Mynd: Nordic Photos.

Serbinn Novak Djokovic hafði betur gegn Rafael Nadal frá Spáni í frábærum úrslitaleik á Opna ástralska tennismótinu í dag. Nadal vann fyrsta settið, 7-5, en Djokovic næstu tvö, 6-4 og 6-2. Nadal vann fjórða settið, 7-6, og jafnaði metin í 2-2. Djokovic reyndist sterkari á lokasprettinum í fimmta settinu og vann það, 7-5,  og sigraði á sínu þriðja stórmóti í röð. Þetta var jafnframt fimmti sigur Djokovic á stórmóti á ferlinum og hans þriðji sigur á Opna ástralska.

Úrslitaviðureignin í dag fer í sögubækurnar sem lengsti leikur í sögu 107 ára mótsins en alls tók leikurinn fimm klukkutíma og 53 mínútur.

Victoria Azarenka í leiknum í morgun. Mynd: Nordic Photos.

Victoria Azarenka frá Hvíta-Rússlandi fagnaði sigri á Opna ástralska tennismótinu í morgun eftir sigur gegn Mariu Sharapovu frá Rússlandi í úrslitum. Sigur hennar var sannfærandi en hún vann í tveimur settum, 6-3 og 6-0. Með sigrinum fer Azarenka í efsta sæti heimslistans en hún var í þriðja sæti listans fyrir mótið.

Þetta var fyrsti sigur Azarenku á stórmóti. Sharapova á hins vegar þrjá stórmótstitla að baki og þótti sigurstranglegri fyrir úrslitaviðureignina.

Myndir: NordicPhotos

Mynd: Elvar Freyr Pálsson

SA Víkingar gerðu góða ferð suður yfir bóginn er liðið lagði Björninn að velli í gærkvöld, 5-4, á Íslandsmóti karla í íshokkí í Egilshöllinni. Staðan eftir venjulegan leiktíma var 4-4 og því þurfti að framlengja. Björn Már Jakobsson leikmaður SA skoraði eina mark framlengingarinnar og tryggði norðanmönnum mikilvægan sigur í toppbaráttunni.

Björninn hefur áfram 29 stig á toppnum en SA Víkingar hafa 22 stig í þriðja sæti. Víkingar eiga hins vegar þrjá leiki til góða á Björninn. SR situr í öðru sæti með 23 stig og fjóra leiki til góða á toppliðið.

Mörk Bjarnarins: Matthías Skjöldur Sigurðsson 1/1, Ólafur Hrafn Björnsson 1/1, Andri Már Helgason 1/0, Arnar Bragi Ingason 1/0.
Mörk SA Víkinga: Lars Foder 2/0, Björn Már Jakobsson 1/1, Steinar Grettisson 1/1, Andri Freyr Sverrisson 1/0

Mynd: Nordic Photos.

Novak Djokovic frá Serbíu er kominn í úrslit á Opna ástralska tennismótinu eftir sigur gegn Bretanum Andy Murray í undanúrslitum í morgun. Leikurinn var hörkuspennandi en Djokovic hafði betur í þremur settum gegn einu. Hann vann fyrsta settið, 6-3, tapaði því næsta, 3-6, en vann næstu tvö sett, 6-1 og 7-5, og leikinn 3-1.

Djokovic mætir Spánverjanum Rafael Nadal í úrslitaleik mótsins en þarna mætast tveir bestu tennisleikarar heims. Djokovic vermir toppsæti heimslistans en Nadal er þar í öðru sæti.

Mynd: NordicPhotos.

Svissnenski tenniskappinn Roger Federer mátti þola enn einn ósigurinn gegn Spánverjanum Rafael Nadal í gær, er sá spænski hafði betur í undanúrslitum á Opna ástralska. Federer hefur gengið afleitlega gegn Nadal á undanförnum stórmótum. Hann hefur tapað átta af síðustu tíu leikjum þeirra en síðast hafði Federer betur gegn Nadal á Wimbledon árið 2007.

„Svona er þetta bara. Stundum ganga hlutirnir upp og stundum ekki. Sú staðreynd að mér hafi gengið illa gegn Nadal undanfarin ár er ekkert að angra mig neitt sérstaklega. Ég man eftir leiknum út keppnisdaginn og það hvort ég spilaði vel gegn andstæðingnum eða ekki. En það nær ekki lengra en það og svona innbyrðis tölfræði gegn ákveðnum tennisleikara er hlutur sem skiptir mig afar litlu máli,“ sagði Federer eftir tapið á Sky Sports.

„Þetta eru yfirleitt góðir og spennandi leikir á milli okkar og ég nýt þess að spila gegn honum. Áhorfendurnir lifa sig inn í leikinn og láta í sér heyra sem er æðislegt. Við berum líka mikla virðingu fyrir hvorum öðrum sem er gott. Mér finnst samt alltaf eins og hann spili aðeins betur gegn mér en öðrum tennisleikurum. Hann hefur gott vinningshlutfall gegn mér og það gefur honum sennilega mikið sjálfstraust fyrir okkar rimmur.“

Federer hefur unnið sextán stórmót á ferlinum en síðasta sigur hans kom árið 2010 á Opna ástralska.

Rafael Nadal. Mynd: NordicPhotos

Spánverjinn Rafael Nadal var í þann mund að tryggja sér sæti úrslitum á Opna ástralska tennismótinu eftir sigur gegn Roger Federer frá Sviss í undanúrslitum. Federer byrjaði betur og vann fyrsta settið, 7-6, en Nadal vann næstu þrjú sett,6-2, 7-6 og 6-4, og þar með leikinn 3-1.

Þetta var áttundi sigur Nadal gegn Federer í síðustu tíu viðureignum þeirra á stórmóti en Federer vann Nadal síðast á Wimbledon árið 2007.

Nadal mætir annað hvort Serbanum Novak Djokovic eða Andy Murray frá Bretlandi í úrslitum.

Myndir: Þorsteinn Eyþórsson

Þrír leikir eru á dagskrá í kvöld í Iceland Express deild karla í körfuknattleik er þrettánda umferð deildarinnar fer af stað. KR og Snæfell mætast í stórleik kvöldsins í DHL-höllinni, Haukar taka á móti Njarðvík og ÍR sækir Þór Þorlákshöfn heim.

KR og Snæfell eru að mætast í annað sinn á þremur dögum en liðin áttust við í hörkuleik í bikarnum á mánudaginn var, þar sem KR vann eftir tvíframlengdan leik, 111-104, í átta liða úrslitum keppninnar. Snæfell fær því tækifæri í kvöld til að hefna fyrir tapið. KR-ingar hafa hins vegar verið á mikilli siglingu og með bikarleiknum í vikunni hefur liðið unnið fimm leiki í röð og er komið í annað sæti deildarinnar. Snæfell hefur unnið þrjá leiki í röð í deildinni.

Haukar þurfa á stigum að halda á heimavelli í kvöld en eftir fjóra tapleiki í röð er liðið í næstneðsta sæti deildarinnar með fjögur stig. Eftir þrjá tapleiki í röð komst Njarðvík á sigurbraut í síðustu umferð með sigri gegn botnliði Vals á heimavelli, 98-76.

Þór Þorlákshöfn hafði unnið fjóra leiki í röð í deildinni er liðið lá gegn KR á heimavelli, 73-80, í síðustu umferð.  ÍR mætir hins vegar til leiks með sigur á bakinu en liðið lagði Fjölni að velli á dögunum, 107-97.

Iceland Express deild karla | Körfuknattleikur
Kl. 19:15 Haukar-Njarðvík | Schenckerhöllin
Kl. 19:15 KR-Snæfell | DHL-höllin
Kl. 19:15 Þór Þ.–ÍR |Iceland Glacial höllin

Mynd: Nordic Photos

Aðeins einn leikur var á dagskrá í NHL deildinni í íshokkí í gær. Montréal Canadiens fengu topplið vesturdeildar, Detroit Red Wings, í heimsókn. Flestir bjuggust við spennandi leik en annað kom á daginn; Canadiens vann góðan 7-2 sigur. Nú er komið 6 daga frí í deildinni sjálfri en stjörnuhelgin er framundan.

Montréal Canadiens 7-2 Detroit Red Wings

Full höll var, eins og venjulega, í Montréal í gær þegar að eitt af toppliðum undanfarinna ára, Detroit Red Wings, mætti í heimsókn. Red Wings sitja í efsta sæti vesturdeildar og hafa spilað einstaklega vel á þessari leiktíð, sérstaklega á heimavelli. Montréal, sem staðsett er í Kanada, er mikill hokkíbær og hokkíhefðin er rík. Það hefur loðið við Canadiens síðustu ár að vera með betri árangur á útivelli vegna þess hversu mikil pressa er á þeim á heimavelli. Það kom þó ekki að sök í gær þegar að sókn liðsins sprakk út eins og rós. Þeir skoruðu fjögur mörk á Red Wings í fyrsta leikhluta og tvö til viðbótar í öðrum leikhluta. Staðan var 6-0 þegar að þriðji leikhluti hófst og niðurlæging Red Wings algjör. Þeir klóruðu aðeins í bakkan og skoruðu tvö mörk í upphafi þriðja leikhluta áður en Canadiens setti síðasta naglann í kistu þeirra. 7-2 lokatölur.

Í dag munu svo fyrirliðar stjörnuliðana, Daniel Alfredsson og Zdeno Chara, kjósa sér í lið. Stjörnuhelgin hefst svo formlega á morgun en nær hámarki á sunnudag þegar leikur liðanna fer fram.

Maria Sharapova fagnar sigrinum á Petru Kvitova. Mynd: Nordic Photos.

Maria Sharapova frá Rússlandi og Victoria Azarenka frá Hvíta-Rússlandi leika til úrslita í kvennaflokki á Opna ástralska tennismótinu. Sharapova vann Petru Kvitova frá Tékklandi í undanúrslitum; sigraði fyrsta settið, 6-2, tapaði því næsta, 3-6, en vann það þriðja, 6-4. Azarenka lagði núverandi handahafa titilsins, Kim Clijsters frá Belgíu, í undanúrslitum. Azarenka vann fyrsta settið, 6-4, steinlá í því næsta, 1-6, en vann það þriðja, 6-3.

Sharapova, 24 ára, er í fjórða sæti á heimslistanum og hefur unnið fjögur stórmót á ferlinum, þar á meðal Opna ástralska árið 2008.

Azarenka, 22 ára, er í þriðja sæti á heimslista og sigri hún í úrslitaleiknum fer hún í efsta sæti listans. Hún hefur aldrei sigrað á stórmóti.

Mynd: Nordic Photos.

Serbinn Novak Djokovic tryggði sér rétt í þessu sæti í undanúrslitum á Opna ástralska mótinu í tennis. Djokovic, sem á titil að verja á mótinu, vann Spánverjann David Ferrer í þremur settum, 6-4, 7-6 og 6-1, og mætir Bretanum Andy Murray í undanúrslitum.

Í hinni undanúrslitaviðureigninni í karlaflokki eigast við Roger Federer frá Sviss og Spánverjinn Rafael Nadal.

Í kvennaflokki mætast Kim Clijsters, sem hefur titil að verja, og Victoria Azarenka í undanúrslitum annars vegar og hins vegar Petra Kvitova og Maria Sharapova.

Mynd: Nordic Photos

Sex leikir voru á dagskrá í NHL deildinni í íshokkí í gærkvöldi. Nóg var um að vera og mættust t.a.m. efstu lið vesturdeildar, Detroit Red Wings og St. Louis Blues. Red Wings gerðu sér lítið fyrir og sigraði leikinn, 3-1. Þá sigraði Los Angeles Kings Kanadamennina í Ottawa Senators , 4-1.

Detroit tók á móti St. Louis í Joe Louis höllinni í Detroit. Þessi lið sátu í tveimur efstu sætum vesturdeildar fyrir leikinn í gær og var því mikið undir. Red Wings sýndu styrk sinn og sigruðu, 3-1. Þetta var sautjándi heimasigur Red Wings í röð og greinilegt að heimavöllurinn mun reynast þeim afar dýrmætur þegar í úrslitakeppnina er komið. St. Louis komst yfir strax í 1. leikhluta og leiddi leikinn allt þar til að 2. leikhluti var að verða hálfnaður. Þá loksins brutu heimamenn ísinn og skoruðu þrjú mörk í röð, sem tryggði þeim 3-1 sigur. Pavel Datsyuk átti prýðis leik fyrir heimamenn og skoraði eitt mark og átti eina stoðsendingu. Þá stóð Jimmy Howard vaktina í marki heimamanna með prýði.

Nashville Predators vann sinn þriðja leik í röð þegar að þeir tóku á móti slakasta liði deildarinnar, Columbus Blue Jackets. Leikurinn fór 4-1. Nashville sitja í 6. sæti vesturdeildar og hafa spilað prýðis vel upp á síðkastið. Columbus sitja hinsvegar sem fyrr í neðasta sæti vesturdeildar og hafa aðeins unnið 13 af þeim 48 leikjum sem þeir hafa spilað.

Þá kom það einnig í ljós í gær að helsta stjarna Washington Capitals, Alex Ovechkin, hefur verið dæmdur í þriggja leikja bann. Bannið fær hann fyrir glórulausa tæklingu á Zbynek Michalek, leikmann Pittsburgh Penguins, í leik liðanna um daginn. Ovechkin er sakaður um það að hafa reynt að setja allann sinn þunga á höfuð Michalek, sem er bannað skv. reglum NHL. Ekkert var dæmt á brotið í leiknum en NHL sá sér engra kosta völ en að dæma í þessu máli. Oveckin var einnig sektaður um rúmlega 150 þúsund dali.

Úrslit gærkvöldins:

Detroit Red Wings 3-1 St. Louis Blues
Nashville Predators 4-1 Columbus Blue Jackets
Toronto Maple Leafs 3-0 NY Islanders
Carolina Hurricanes 2-1 Winnipeg Jets
Edmonton Oilers 2-1 San Jose Sharks
Los Angeles Kings 4-1 Ottawa Senators

Mynd: Nordic Photos

Leikmaður San Francisco 49ers, Kyle Williams, hefur fengið morðhótanir í gegnum samskiptavefi á borð við Twitter og Facebook eftir að liði hans mistókst að komast í Superbowl leikinn. San Francisco 49ers tapaði 20-17 gegn New York Giants í framlengdum leik þar sem Lawrence Tynes tryggði Giants sigurinn með vallarmarki.

Aðdáendur 49ers urðu fyrir afar miklum vonbrigðum með leik liðsins í gær en fengu þeir nokkur gullin tækifæri til þess að gera út um leikinn. Umtalaður Kyle Williams gerði sig sekan um tvö stór mistök sem urðu til þess að Giants vann leikinn. Eftir leikinn í gær var Williams hótað af æstum aðdáendum sem að hótuðu að drepa bæði hann, konu hans og börn. Það verður þó að taka fram að Williams er bæði einhleypur og barnlaus.

Kenny Williams, faðir Kyle og stjórnandi Chicago White Sox liðsins sem keppir í hafnarbolta, hefur komið syni sínum til varnar. Hann segir að sonur sinn hafi spilað meiddur í gær og að eðlilegt sé að gera mistök. Hann efast einnig um tilgang íþrótta þegar að leikmenn fá morðhótanir eftir svona leik. Þetta er jú bara leikur.

Kyle Willams var ekki eini leikmaðurinn sem gerði sig sekan um stór mistök í gær en sparkari Baltimore Ravens, Billy Cundiff, sem mætti New England Patriots í úrslitaleik Ameríkudeildarinnar í gær, klúðraði 32 yarda vallarmarki sem varð til þess að Patriots vann leikinn. Ekki hafa borist fregnir af því hvort að Cundiff hafi einnig fengið hótanir frá aðdáendum Ravens.

Serena Williams úr leik. Mynd: Nordic Photos.

Serena Williams frá Bandaríkjunum var óvænt slegin út úr keppni á Opna ástralska tennismótinu í morgun. Serena tapaði fyrir Ekaterinu Makarovu frá Rússlandi í 16-liða úrslitum, 2-6 og 3-6. Serena hefur sigrað á Opna ástralska alls fimm sinnum; árið 2003, 2005, 2007, 2009 og 2010, og þótti líkleg til afreka í ár.

Makarova mætir löndu sinni, Mario Sharapova, í átta liða úrslitum keppninnar. Sharapova lagði Sabine Lisicki frá Þýskalandi í 16-liða úrslitum; tapaði fyrsta settinu 3-6 en vann næstu tvö, 6-2 og 6-3.

Sharapova hefur einu sinni sigrað á Opna ástralska, árið 2008.

Mynd: NordicPhotos

New England Patriots og New York Giants mætast í Superbowl leiknum eftir dramatíska sigra á andstæðingum sínum í gærkvöldi. Jim og John Harbaugh féllu báðir úr leik í gærkvöldi þegar San Francisco 49ers og Baltimore Ravens þurftu að lúta í lægra haldi. Superbowl leikurinn fer fram í Indianapolis sunnudaginn 5. febrúar næstkomandi.

New England Patriots vann ótrúlegan 23-20 sigur á Baltimore Ravens þar sem gestirnir frá Baltimore fengu hvert tækifærið á fætur öðru til að tryggja sér sigurinn á lokamínútunum. Tom Brady skoraði sjálfur sigur snertimarkið í fjórða leikhlutanum. Billy Cundiff, sparkari Ravens, klúðraði 32 yarda vallarmarki 11 sekúndum fyrir leikslok sem hefði tryggt liðinu framlengingu. Hann missti hins vegar marks og má segja að þetta atvik hafi minnt á bíómyndina Ace Ventura. New England vann því ótrúlegan sigur og fer í Superbowl í fimmta skiptið á ellefu árum undir stjórn Bill Belichick.

Það þurfti framlengingu til að útkljá rimmu San Francisco 49ers og New York Giants í úrhellinu í San Francisco í nótt. Sparkarinn Lawrence Tynes tryggði Giants sigurinn, 20-17, með 30 yarda vallarmarki í framlengingunni og sá til þess að liðin sem mættust í Superbowl árið 2008 mætist að nýju í ár. Eli Manning, leikstjórnandi Giants, kastaði 316 yarda í leiknum sem skiluðu 2 snertimörkum. Það var ekki margt sem benti til þess að Giants myndi gera mikið á þessu tímabili en liðið vann aðeins 8 af 16 leikjum sínum á tímabilinu og rétt slefaði inn í úrslitakeppnina. Þar hefur liðið aftur á móti blómstrað og lagði t.a.m NFL-meistara Green Bay Packers á þeirra eigin heimavelli í síðustu umferð úrslitakeppninar. Það getur því enginn leyft sér að vanmeta Giants þegar liðið mætir Patriots í Superbowl 5. febrúar næstkomandi.

Myndir: NordicPhotos

Mynd: NordicPhotos.

Svisslendingurinn Roger Federer átti ekki í teljandi vandræðum með Ástralann unga, Bernard Tomic, á Opna ástralska tennismótinu í dag. Federer sigraði í þremur settum, 6-4, 6-2 og 6-2 og er kominn í átta liða úrslit. Tomic, sem er 19 ára, hefur vakið athygli fyrir góða frammistöðu á mótinu en mætti ofjarli sínum í dag.

Spánverjinn Rafael Nadal tyggði sér einnig sæti í átta liða úrslitum með sigri gegn landa sínum, Feliciano Lopez, í morgun. Nadal vann í þremur settum, 6-4, 6-4 og 6-2. Nadal, sem er annar á heimslista, hefur ekki enn tapað setti á mótinu og virðast til alls líklegur.

Mynd: NordicPhotos

Bretinn Andy Murray tryggði sig í gærkvöld síðastur manna inn í 16-liða úrslit í karlaflokki á Opna ástralska tennismótinu sem fram fer í Melbourne. Murray vann Michael Llodra í þremur settum, 6-4, 6-2 og 6-0. Einnig eru þeir Novak Djokovic, Roger Federer og Rafael Nadal komnir áfram í karlaflokki og því allt samkvæmt bókinni. Nadal hefur verið í sérstaklega góðu formi og ekki tapað setti á mótinu.

Bandaríkjamaðurinn Andy Roddick þurfti hins vegar að hætta þátttöku vegna meiðsla, en hann freistaði þess að vinna sitt fyrsta stórmót í áratug.

Í kvennaflokki er Serena Williams komin áfram í 16-liða úrslit. Serena lagði Greta Arn að velli í gær í tveimur lotum sem enduður báðar með tölunum, 6-1. Einnig er þær Petra Kvitova, Caroline Wozniacki og Maria Sharapova komnar áfram.

Mynd: Nordic Photos

Aðeins 4 leikir voru á dagskrá í NHL deildinni í íshokkí í gærkvöldi. Stór dagur er í deildinni í dag og er einn leikur sýndur beint á ESPN America en það er viðureign tveggja efstu liða austurdeildar; New York Rangers og Boston Bruins. Athygli er vakin á því að leikurinn hefst kl 18:00 og því tilvalið að setjast fyrir framan viðtækin og horfa á hokký.

En að leikjum gærkvöldsins. Pittsburgh Penguins hafa tekið sig saman í andlitinu og svarað þeirri gagnrýni sem þeir hafa orðið fyrir. Í gær sigurðu þeir Montréal Canadiens í 9 maraka leik, 5-4. Leikurinn fór í framlengingu en Montréal leiddi leikinn lengst af. Það var hinsvegar Evgeni Malkin sem að bæði jafnaði metin fyrir Pittsburgh og tryggði þeim sigurinn í framlengingu. Penguins eru komnir upp í 6. sæti austurdeildar en Montréal valda sínum stóra áhorfendahóp vonbrigðum og sitja í 12. sæti.

Chicago Blackhawks, efsta lið vesturdeildar, sigraði Florida Panthers örugglega á heimavelli, 3-1. Þrátt fyrir frábærar markvörslur að hálfu Theador í marki Panthers þá dugði það ekki til gegn sjóðheitu liði Blackhawks. Þeir hafa nú unnið 3 leiki í röð. Tampa Bay Lightning, sem sitja í næst neðsta sæti austurdeildar, sem er nokkuð óvænt, sigrðuðu Dallas Stars á útivelli í gær, 2-1. Lightning komst í undanúrslit austurdeildar í fyrra og var vonast til að þeir næðu svipuðum árangri í ár en það þarf mikið að breytast til að það gerist. Þetta var annar sigurleikur Tampa í röð og vonandi eru þeir komnir á beinu brautina.

Úrslit gærkvöldsins:

Chicago Blackhawks 3-1 Florida Panthers
Dallas Stars 1-2 Tampa Bay Lightning
Pittsburgh Penguins 5-4 Montreal Canadiens
Carolina Hurricanes 3-0 Washington Capitals.

Stank Kroenke eigandi St. Louis Rams og Arsenal

Bandaríska NFL-liðið St. Louis Rams hefur skuldbundið sig til að leika einn heimaleik á hverju tímabili á Wembley leikvangingum í Lundúnum næstu þrjú árin. Alistair Kirkwood yfir umsjónarmaður NFL-leikja sem leiknir eru í Bretlandi staðfesti þetta í viðtali á Sky Sports News í gær. Hann sagði að ef vel til tækist gæti þetta orðið fyrsta skrefið í að koma fótum undir NFL-lið sem yrði staðsett í Lundúnum.

Einn leikur á hverju NFL-tímabili hefur verið spilaður á Wembley undanfarin ár en það hafa aldrei verið sömu liðin sem hafa ferðast frá Bandaríkjunum til að spila. Nú hefur St. Louis Rams skuldbundið sig til að spila einn heimaleik á Wembley næstu þrjú árin er hugmyndin að reyna að byggja upp dyggan hóp stuðningsmanna. Takist þessi hugmynd vel er aldrei að vita nema að NFL-lið yrði stofnað á þessum grundvelli og yrði með höfuðstöðvar í Lundúnum.

“Þetta er risastórt tækifæri fyrir okkur. Það hafa farið fram fimm frábærir leikir á Wembley undanfarin ár sem allir hafa verið sýndir í beinni útsendingu á Sky. Við höfum fengið frábæran stuðnings frá stuðningsmönnum og áhorfið hefur farið upp um 30% ár frá ári.” sagði Kirkwood við Sky Sports News.

“Ef að málið er skoðað ofan í grunninn þá kemur í ljós að leikmenn, þjálfarar og eigendur liðanna áttu ekki í neinum vandræðum með að aðlagast tímamismuninum og þeim leið vel hér. Helmingur leikmannanna áttu ekki einusinni vegabréf og höfðu aldrei farið úr landi áður. Þannig að þetta var einnig mjög stór stund í lífi þeirra að koma hingað og koma fram fyrir hönd Bandaríkjanna.”

“Nú þegar Rams hefur samþykkt að spila einn leik á tímabili hér næstu þrjú árin erum við að taka þetta fyrirkomulag upp á næsta stig. Við erum komnir með lið sem ætlar að koma hingað og æfa á undirbúningstímabilinu og í kringum það getum við byggt. Fólk sem styður ekkert sérstakt NFL-lið gæti þarna fundið lið til að styðja.”

Það kemur kunnugum væntanlega ekkert sérstaklega á óvart að það hafi verið St. Louis Rams sem tók af skarið og ákvað að leika einn leik á hverju tímabili á Wembley því eigandi þess, Stan Kroenke, er einnig eigandi enska úrvalsdeildarfélagsins Arsenal og er því öllum hnöppum kunnugur á Bretlandseyjum. Fyrsti leikur St. Louis Rams á næsta tímabili verður gegn New England Patriots sem á enn möguleika á að verða NFL-meistari en liðið leikur í úrslitaleik Ameríkudeildarinnar gegn Baltimore Ravens annað kvöld.

Helga María Vilhjálmsdóttir (t.v) stendur sig vel í Austurríki. Mynd: Guðmundur Jakobsson.

Skíðakonan Helga María Vilhjálmsdóttir náði frábærum árangri í dag á Vetrarólympíuleikum ungmenna sem fram fara þessa dagana í Austurríki. Helga hafnaði í áttunda sæti í svigi í stúlknaflokki, en alls voru 54 keppendur frá 47 löndum.

Helga lenti í vandræðum í fyrri ferðinni þar sem hún var í 14. sæti á tímanum 45,63 sekúndum, en átti sjötta besta tímann í síðari ferðinni á 39,29 sekúndum.

Þetta mun vera besti árangur sem Íslendingur hefur náð á Ólympíuleikum ungmenna.

Mynd: Nordic Photos

Peyton Manning, leikstjórnandi Indianapolis Colts í NFL deildinni, spilaði ekki einn leik á þessu tímabili. Hann hóf tímabilið á því að fara í aðgerð á hálsi og dróst endurhæfing hans á langinn þannig að hann þurfti að hvíla allt tímabilið. Bróðir Peyton, Eli Manning ,leikstjórnandi New York Giants, er hinsvegar kominn með sitt lið alla leið í úrslitaleik Þjóðardeildarinnar gegn San Fransico 49ers.

Peyton Manning er 35 ára gamall og hefur verið að spila í deildinni í 13 ár. Hann hefur leikið allann sinn feril með Colts og verið að jafnaði þeirra besti maður,Colts sigruðu aðeins 2 leiki í vetur án hans. Verðlaunaskápur Manning er einnig sneisafullur af ýmiskonar verðlaunum en hann hefur sex sinnum verið valinn leikmaður ársins í Ameríkudeildinni, verið valinn besti leikmaður úrslitakeppninnar, unnið Ofur-Skálina og svo lengi mætti telja. Nú hefur hinsvegar leikarinn, Rob Lowe, sagst hafa góðar heimildir fyrir því að Manning ætli að leggja skónna á hilluna sökum meiðsla. Rob Lowe er ekki sá þekktasti en hefur hann leikið í myndum á borð við Austin Powers og Waynes World. Nú leikur hann í þáttunum Parks and Recreation sem eru teknir upp í Indianapolis og eru hann og framkvæmdarstjóri Colts, Jim Irsay,  nánir vinir. Þaðan er talið að heimilir hans komi.

Faðir Manning, Archie, hefur blásið á þessar sögusagnir en ekkert hefur heyrst frá umboðsmanni Peyton né fjölmiðlafulltrúum Colts. Þetta yrði mikil blóðtaka fyrir deildina í heild sinni en Peyton hefur verið einn af hennar þekktustu leikmönnum á þessari öld.

Mynd: Nordic Photos

Aðeins fjórir leikir fóru fram í NHL deildinni í íshokkí í gærkvöldi. Það er mikil spenna á toppi bæði austur- og vesturdeildar og stutt á milli þess að vera á toppnum eða hreinlega út úr úrslitakeppninni. Lið Washington Capitals sem hafa fengið harða gagnrýni í vetur sigraði í gær lið Montreal Canadiens, 3-0. Canadiens eru ekki vanir að tapa á heimavelli en það gerðist svo sannarlega í gær. Það er uppselt á hvern einasta heimaleik Canadiens í deildinni og mikil pressa er á leikmönnum þeirra að standa sig fyrir framan snaróða áhorfendur. Neuvirth, markvörður Capitals, var í miklu stuði í gær og hleypti ekki einum pekki í netið. Með sigrinum skaust Capitals upp að hlið Florida á toppi suð-austurdeildar.

Chicago Blackhawks völtuðu yfir Buffalo Sabres í gær, 6-2. Blackhawks,  sem ekki hafa byrjað nýja árið vel, hafa nú sigrað 2 leiki í röð og eru aftur búnir að tylla sér á topp vesturdeildar. Jonathan Toews, stjörnuleikmaður Blackhawks , skoraði 2 mörk í gær og annar stjörnuleikmaður Blackhawks, Martin Hossa, skoraði 1. Sabres sitja í 11 sæti austurdeildar.

Colorado Avalanche sigruðu spútniklið vetursins, Florida Panthers á heimavelli, 4-3 eftir framlengingu. Það var Ryan O’Riley sem að tryggði Avalanche sigurinn þegar rúm 1 mínúta var eftir af framlengunni. Nú sitja þessi lið í 8. sæti. Florida í austurdeild og Colorado í vesturdeild.

Úrslit gærkvöldsins:

Colorado Avalanche 4-3 Florida Panthers
Chicago Blackhawks 6-2 Buffalo Sabres
Montreal Canadiens 0-3 Washington Capitals
Anaheim Ducks 6-2 Phoenix Coyotes

Mynd: Nordic Photos

Eins og sport.is greindi frá í vikunni fer stjörnuleikur NHL fram eftir 10 daga. Stjörnuhelginn fer fram í Montréal í Kanada og hefur NHL sambandið nú gert ljóst hverjir munu leiða stjörnuliðin. Það verða Daniel Alfredsson, leikmaður Ottawa Senators og Zdeno Chara, leikmaður Boston Bruins. Þeir munu kjósa í lið þann 26. janúar næstkomandi.

Alfredsson og Chara voru liðsfélagar á árunum 2001-2006 þegar þeir léku báðir með Ottawa Sentaors og komust í úrslitakeppnina öll leiktímabilin. Alfredsson er á sinni 16. leiktíð í NHL og hefur alla tíð spilað fyrir Senators. Hann skoraði sitt fjögurhundraðasta mark í deildinni í desember.

Chara, sem er á sinni 14. leiktíð í deildinni, var valinn í nýliðavali árið 1996 af New York Islanders. Síðan þá hefur hann spilað fyrir Senators og nú ríkjandi Stanley meistarana í Boston Bruins. Chara er einn allra besti varnarmaður deildarinnar .

Leikurinn verður í beinni sjónvarpsútsendingu á ESPN sjónvarpsstöðinni þann 29. janúar.

Bryndís Rún Hansen. Mynd: Sævar Geir Sigurjónsson.

Sundkonan Bryndís Rún Hansen var í gærkvöld kjörin íþróttamaður ársins á Akureyri árið 2011 í hófi sem fram fór á Hótel KEA. Þetta er í þriðja sinn í röð sem Bryndís verður fyrir valinu. Árangur Bryndísar á árinu 2011 var sérlega góður og hennar besti til þessa. Má helst nefna fimm Íslandsmeistaratitla, fimm Íslandsmet og norskan meistaratitil, en Bryndís býr í Noregi þar sem hún keppir fyrir hönd Bergensvømmerne.

Ekki er útilokað að Bryndís vinni sér inn keppnisrétt á Ólympíuleikunum í London í sumar en hún er tveimur sekúndum frá lágmarki í 100 m flugsundi.

Mynd: Badminton.is

Á morgun hefst alþjóðlega sænska mótið í Badminton og mun Ragna Ingólfsdóttir Íslandsmeistari í Badminton vera á meðal keppenda.

Ragna fer beint inn í aðalkeppnina og sleppur því við forkeppni sem fylgir mörgum alþjóðlegum mótum á Olympíuári. Ragna mun mæta Simone Prutsch frá Austurríki í fyrstu umferð á föstudag. Þær áttust síðast við fyrir tíu árum, árið 2002, þar sem Ragna hafði betur en hún er níu sætum ofar Prutsch á heimslistanum.

Báðar kepptu þær á alþjóðlega velska mótinu í desember síðastliðnum þar sem Ragna endaði í öðru sæti eftir að hafa gefið úrslitaleikinn vegna meiðsla en Prutch sem var raðað númer tvö inn í mótið komst í átta manna úrslit.

Ragna er nú í 70. sæti á heimslistanum en Prutsch er í 79.sæti.

Mynd: Nordic Photos

Alls 11 leikir voru á dagskrá í NHL deildinni í íshokkí í gærkvöldi. Af nógu var að taka og nokkur óvænt úrslit litu dagsins ljós. Nokkur af slökustu lið deildarinnar unnu óvænta sigra á sumum af þeim bestu og má þar nefna óvænt tap Boston Bruins fyrir Tampa Bay Lightning. Það sem óvenjulegast var að Tim Thomas, stjörnumarkvörður Bruins, fékk á sig 5 mörk í 5-3 tapi.

Washington Capitals hefur ekki yfir miklu að gleðjast þessa dagana en þeir steinlágu á heimavelli gegn slöku liði New York Islanders. Capitals tókst ekki einu sinni að skora í leiknum og urðu að sætta sig við 3-0 tap. Columbus Blue Jackets, sem eru með versta árangur allra liða í vetur vann einnig í gær þegar að þeir sigruðu Edmonton Olilers, 4-2.

Stórveldið, Detroit Red Wings, eru á hörku siglingu og hafa þeir nú unnið 4 leiki í röð og hrepptu í nótt efsta sætið í vesturdeildinin með góðum sigri á Dallas Stars í vítakeppni. Leikurinn endaði 3-2. Á toppnum í austurdeildinni héldu New York Rangers uppteknum hætti þegar að þeir gáfu engin færi á sér í leik á móti Nashville Predators. Leikurinn endaði 3-0 og komu leikmenn Predators pekkinum ekki framhjá Svíanum brosmilda, Henrik Lundqvist í marki Rangers.

Öll úrslit gærkvöldsins:

Tampa Bay Lightning 5-3 Boston Bruins
Washington Capitals 0-3 New York Islanders
Columbus Blue Jackets 4-2 Edmonton Oilers
Detroit Red Wings 3-2 Dallas Stars
New York Rangers 3-0 Nashville Predators
Toronto Maple Leafs 2-3 Ottawa Senators
New Jersey Devils 5-1 Winnipeg Jets
Pittsburgh Penguins 2-1 Carolina Hurricanes
Philadelphia Flyers 5-1 Minnesota Wild
Vancouver Canucks 2-3 Los Angeles Kings
San Jose Sharks 2-1 Calgary Flames

Mynd: NordicPhotos.

Svisslendingurinn Roger Federer þurfti ekkert að hafa fyrir því að komast áfram í þriðju umferð á Opna ástralska tennismótinu sem nú stendur yfir. Andstæðingur Federers, Andreas Beck, þurfti að draga sig úr keppni vegna meiðsla og Federer fer því sjálfkrafa áfram.

Þeir Novak Djokovic, Rafael Nadal og Andy Murray komust allir nokkuð auðveldlega áfram í aðra umferð og verða í eldlínunni í Ástralíu í dag.

Í kvennaflokki er hin danska Caroline Wozniacki, efsta kona heimslistans, komin áfram í 32-liða úrslit en hún freistar þess að vinna sitt fyrsta stórmót.

Mynd: NordicPhotos

NFL-meistarar Green Bay Packers féllu nokku óvænt úr leik í úrslitakeppni deildarinnar í gærkvöldi þegar liðið tapaði 37-20 fyrir New York Giants. Meistararnir voru mjög ólíkir sjálfum sér í leiknum og missti liðið boltann þrisvar sinnum í leiknum til andstæðingsins en fram að þessu leik hafði liðið aðeins tapað sex boltum allt tímabilið.

Sóknarleikur Packers, sem hefur verið til hreinnar fyrirmyndar í vetur, var í molum hvort sem það voru sendingar Aaron Rodgers eða að hlaupurum liðsins mistókst að grípa bolta sem að öllu jöfnuðu hefðu endað örugglega í höndum þeirra.

Eli Manning, leikstjórnandi New York Giants, fór á kostum í leiknum. Hann kastaði boltanum 330 yarda sem skiluðu þremur snertimörkum þ.a.m einni bombu fram allan völlinn í öðrum leikhluta.

New York Giants heimsækir því San Francisco 49ers í úrslitaleik Þjóðardeildarinnar en 49ers vann ævintýralegan sigur á New Orleans Saints á laugardagskvöldið.

Þá er Baltimore Ravens komið í úrslitaleik Ameríkudeildarinnar, þar sem liðið mætir New England Patriots, eftir 20-13 sigur á Houston Texans í miklum varnarleik. Ray Lewis og Ed Reed fóru fyrir varnarlínu Ravens sem vann boltann tvívegis af Texans sókninni í fyrsta leikhluta og Ravens hafði 17-3 forystu af þeim leikhluta loknum. Texans tókst að saxa á forystu Ravens í öðrum leikhlutanum og breyta stöðunni í 17-13. Ekkert var skorað í þriðja leikhlutanum en Ravens kom inn vallarmarki í þeim fjórða og tryggði sér 7 stiga sigur, 20-13.

Joe Flacco kastaði 176 yarda í leiknum sem skiluðu Baltimore Ravens tveimur snertimörkum. Nýliðinn T.J Yates kastaði 184 yarda en tókst ekki að skila snertimarkssendingu. Það verður því forvitnilegt að sjá hvernig New England Patriots kemur til leiks gegn afar sterkri vörn Ravens þegar liðin mætast á heimavelli Patriots í Foxborough um næstu helgi.

Myndir: NordicPhotos

Mynd: Nordic Photos

Líkt og aðrar íþróttagreinar í Bandaríkjunum hefur NHL einnig sinn stjörnuleik. Stjörnuleikur NHL mun fara fram helgina 26.-29. janúar næstkomandi og hafa NHL samtökin opinberað hvaða leikmenn það eru sem munu taka þátt í leiknum. Líkt og í öðrum íþróttagreinum er ekki bara þessi eini leikur á dagskrá um stjörnuhelgina en í hokkíinu er einnig keppt í hæfileikum með pökkinn þar sem leikmenn eru látnir sýna listir sínar og er síðan gefin einkunn af dómurum. Stjörnuleikurinn sjálfur er á dagskrá á sunnudeginum 29. janúar og mun verða í beinni útsendingu á ESPN America.

Ekki er búið að velja í liðin en er þetta annað árið í röð þar sem NHL tilnefnir fyrirliða hvors liðs sem kjósa í lið. Kosning fyrirliðanna fer fram fimmtudaginn 26. janúar. Áður fyrr voru það stjörnuleikmenn austurdeildar sem kepptu gegn stjörnuleikmönnum vesturdeildar.

42 leikmenn munu taka þátt í stjörnuleiknum sjálfum. Deildin valdi 36 leikmenn en aðdáendur NHL deildarinnar völdu 6. Það er greinilegt að Ottawa Senators á stórann hóp aðdáenda en af þeim 6 leikmönnum sem aðdáendur völdu voru fjórir þeirra úr Ottawa Senators. Sá sem fékk flest atkvæði aðdáenda var varnarmaðurinn Erik Karlsson sem leikur fyrir Ottawa. Af öðrum leikmönnum ber helst að nefna að Alex Ovechkin er að taka þátt í sínum 5. stjörnuleik í röð. Tim Thomas, verðmætasti leikmaður úrslitakeppninnar á síðasta tímabili, verður á sínum stað í marki annars liðsins. Tvíburabræðurnir úr Vancouver Canukcs, Henrik og Daniel Sedin verða með sem og hinn ungi Steven Stamkos sem leikur með Tampa Bay Lightning. Hér fyrir neðan má sjá þá leikmenn sem taka þátt í stjörnuleiknum í heild sinni:

Framherjar (lið):

Corey Perry, Anaheim Ducks
Tyler Seguin, Boston Bruins
Jason Pominville, Buffalo Sabres
Jarome Iginla, Calgary Flames
Marian Hossa, Chicago Blackhawks
Patrick Kane, Chicago Blackhawks
Jonathan Toews, Chicago Blackhawks
Jamie Benn, Dallas Stars
Pavel Datsyuk, Detroit Red Wings
Mikko Koivu, Minnesota Wild
John Tavares, New York Islanders
Marian Gaborik, New York Rangers
Claude Giroux, Philadelphia Flyers
Evgeni Malkin, Pittsburgh Penguins
Logan Couture, San Jose Sharks
Steven Stamkos, Tampa Bay Lightning
Phil Kessel, Toronto Maple Leafs
Joffrey Lupul, Toronto Maple Leafs
Daniel Sedin, Vancouver Canucks
Henrik Sedin, Vancouver Canucks
Alex Ovechkin, Washington Capitals
Daniel Alfredson, Ottawa Senators
Jason Spezza, Ottawa Senators
Milan Michalek, Ottawa Sentaors

Varnarmenn (lið):

Zdeno Chara, Boston Bruins
Brian Campbell, Florida Panthers
Ryan Suter, Nashville Predators
Shea Weber, Nashville Predators
Dan Girardi, New York Rangers
Kimmo Timonen, Philadelphia Flyers
Keith Yandle, Phoenix Coyotes
Alex Edler, Vancouver Canucks
Dennis Wideman, Washington Capitals
Dustin Byfuglien, Winnipeg Jets
Erik Karlsson, Ottawa Sentaors
Dion Phaneuf, Toronto Maple Leafs

Markmenn (lið):

Jimmy Howard, Detroit Red Wings
Jonathan Quick, Los Angeles Kings
Carey Price, Montreal Canadiens
Henrik Lundqvist, New York Rangers
Brian Elliott, St. Louis Blues
Tim Thomas, Boston Bruins

Nýliðar (lið):

Luke Adam, Buffalo Sabres
Justin Faulk, Carolina Hurricanes
Gabriel Landeskog, Colorado Avalanche
Ryan Johansen, Columbus Blue Jackets
Ryan Nugent-Hopkins, Edmonton Oilers
Craig Smith, Nashville Predators
Adam Henrique, New Jersey Devils
Adam Larsson, New Jersey Devils
Colin Greening, Ottawa Senators
Sean Couturier, Philadelphia Flyers
Matt Read, Philadelphia Flyers
Cody Hodgson, Vancouver Canucks

Tom Brady var í miklum ham í gærkvöldi og sló stigamet úrslitakeppninnar

Tom Brady og New England Patriots kafsigldu Tim Tebow og Denver Broncos í gærkvöldi, 45-10, og tryggðu sér þar með sæti í úrslitaleik Ameríkudeildarinnar gegn Baltimore Ravens eða Houston Texans sem mætast í kvöld.

Brady byrjaði með látum því hann kastaði fyrir snertimarki strax í fyrstu sókninni og setti tóninn fyrir það sem var í vændum. Hann kastaði fyrir fimm snertimörkum í fyrri hálfleiknum og Denver sá í raun aldrei til sólar í leiknum. 26 af 34 sendingum Brady í leiknum heppnuðust og skiluðu 363 yördum sem er persónulegt met í úrslitakeppninni. Þá hefur Patriots aldrei tekist að skora 45 stig í úrslitakeppninni áður. Rob Gronkowski var í miklu stuði fyrir Patriots en hann skoraði þrjú snertimörk í leiknum. Gronkowski, sem er aðeins nýorðinn 23 ára gamall, hefur farið á kostum í vetur og verið einn besti leikmaður deildarinnar.

Tim Tebow átti í miklum vandræðum í leiknum og kláraði aðeins 9 af 26 sendingum sínum í leiknum sem skiluðu aðeins 136 yördum. Broncos átti engin svör við stórkostlegri vörn Patriots sem spilaði sinn lang besta leik á tímabilinu en liðið hefur átt við talsverð meiðslavandræði að stríða í vörninni. Patriots er því komið í úrslitaleikinn í Ameríkudeidinni þar sem liðið mætir sigurvegaranum úr viðureign Baltimore Ravens eða Houston Texans á heimavelli sínum í Foxborough. Takist liðinu að hampa sigri í þeim leik verður það í fimmta skiptið á ellefu árum sem liðið fer í Superbowl. Þann titil hefur Patriots unnið í þrígang.

Myndir: NordicPhotos

David Akers, Alex Smith og Vernon Devis fagna sigri á New Orleans Saints í gærkvöldi

Það vantaði ekki dramatíkina í gærkvöldi þegar San Francisco 49ers vann ótrúlegan 36-32 sigur á New Orleans Saints. Alex Smith kastaði 14 yarda snertimarkssendingu á Vernon Devis þegar 9 sekúndur voru til leiksloka og tryggði San Francisco ótrúlegan sigur. Þetta er í fyrsta skipti síðan árið 1994 sem liðið kemst í úrslitaleik Þjóðardeildarinnar.

49ers byrjaði leikinn af gríðarlegum krafti og komst í 17-0 eftir nokkur klaufaleg mistök leikmanna New Orleans Saints. Það lifnaði talsvert yfir gestunum frá Louisiana í öðrum leikhlutanum og tókst liðinu að minnka muninn í 17-14 fyrir hálfleik. Saints komst yfir 24-23 þegar langt var liðið á fjórða leikhlutann en Alex Smith, leikstjórnandi 49ers, skoraði snertimark upp á eigin spýtur með frábæru hlaupi rétt áður en það kom að tveggja mínútna hléinu. Það tók Jimmy Graham þó ekki nema rúmar 15 sekúndur að skora snertimark og komast Saints yfir að nýju. Jim Harbaugh, þjálfari 49ers, dróg þá upp sparikerfin sín og kastaði Alex Smith tvisvar í hendurnar á Vernon Davis sem tryggði San Francisco 49ers 36-32 sigur á New Orleans Saints.

Útivallarbölvun New Orleans Saints heldur því áfram en liðið hefur aldrei unnið leik á útivelli í úrslitakeppninni. San Francisco 49ers mætir því annað hvort NFL-meisturum Green Bay Packers eða New York Giants í úrslitaleik Þjóðardeildarinnar. Það kemur í ljóst í kvöld þegar Giants heimsækir Packers á Lambeau Field í Green Bay. Leikurinn liðanna hefst kl. 21.30 í kvöld og er í beinni útsendingu á ESPN America.

Myndir: NordicPhotos

Mynd: NordicPhotos

Serbinn Novak Djokovic, efsti maður heimslistans í tennis í karlaflokki, segist stefna á að jafna árangur sinn í fyrra á þessu ári. Djokovic vann þrjú stórmót á síðastliðnu ári; Opna ástralska, Wimbledon og Opna bandaríska. Hann vann fyrstu 41 leiki sína og tapaði ekki leik fyrr en um miðjan júní.

Fyrsta stórmót ársins í tennis hefst á mánudaginn kemur, Opna ástralska, og þar hefur Serbinn titil að verja. Flestir eru á því að það verði erfitt að toppa árangur Djokovic í fyrra en hann er þó hvergi banginn.

„Það er allt mögulegt. Af hverju ekki að vera jákvæður og stefna á frábært tímabil í ár? Mér finnst eins og ég sé á toppi ferilsins. Ég er í frábæru leikformi og líður frábærlega,“ segir hinn 24 ára Djokovic. „Árið 2011 var  frábært hjá mér. Ég get jafnað þann árangur á þessu ári og það er mitt markmið.“

Drew Brees fagnar eftir að hafa slegið kastmet Joe Montana

Úrslitakeppnin í bandarísku NFL-deildinni er við það að ná hæstu hæðum en tveir frábærir leikir eru á dagskránni í kvöld. Fyrri leikur kvöldsins er viðureign San Francisco 49ers og New Orleans Saints. Þetta verður í fyrsta skipti síðan árið 2002 sem 49ers leikur í úrslitakeppninni og því um afar stóra stund að ræða fyrir San Francisco búa.

San Francisco 49ers hefur unnið fimm Superbowl-titla og vann liðið m.a tvö ár í röð árin 1988 og 1989. Fjórir af fimm titlum liðsins komu þegar Joe Montana var leikstjórnandi liðsins en þegar liðið vann þann síðasta árið 1994 var Montana kominn til Kansas City Chiefs. 49ers á einnig það skemmtilega met að vera eina liðið sem hefur farið í meira en einn Superbowl leik án þess að tapa og liðið hefur unnið alla fimm leikina sem það hefur leikið.

Gott gengi San Francisco 49ers á þessari leiktíð má að stórum hluta þakka Jim Harbaugh sem tók við þjálfun liðsins fyrir tímabilið og lagði hann allt sitt traust á Alex Smith leikstjórnanda en hann gerði eins árs samning við félagið fyrir tímabilið sem skilar honum fimm milljónum dollara í aðra hönd. Undir hans forystu vann 49ers 13 leiki á tímabilinu og tapaði 3. Hann kastaði aðeins fyrir 17 snertimörkum á leiktíðinni en hann kastaði aðeins fimm sinnum frá sér sem verður að teljast mjög gott.

Andstæðingur 49ers í kvöld er ógnarsterkt lið New Orleans Saints með sjóðandi heitan Drew Brees í fararbroddi. Brees sló met Joe Montana gegn Atlanta Falcons í næst síðustu umferð tímabilsins þegar hann kastaði meira en 5046 yarda á einni leiktíð en hann endaði með 5476 yarda á tímabilinu. Hann kastaði að meðaltali 334.2 yarda í leik sem er það mesta meðal allra leikstjórnenda í deildinni. Fyrsti og eini Superbowl-titill Saints kom árið 2010 þegar liðið lagði Indianapolis Colts 31-17 þar sem Brees var valinn maður leiksins. Sean Peyton, þjálfari liðsins, er með afar sterkt sóknarlið í höndunum en liðið skoraði 34.2 stig að meðaltali á tímabilinu sem er annar besti árangurinn í deildinni.

kl. 21.30 San Francisco 49ers – New Orleans Saints | Beint á ESPN America.

Brady hafði betur þegar hann mætti Tebow í desember. Hvað gerist í kvöld?

Síðari viðureignar kvöldsins er beðið með mikilli eftirvæntingu en þá taka Tom Brady og félagar hans í New England Patriots á móti öskubuskuliði Denver Broncos með frelsarann sjálfan, Tim Tebow, í fararbroddi. Gríðarlegur áhugi er fyrir leiknum og er búist við því að þetta verði áhorfsmesti leikur sögunnar ef Superbowl-leikirnir eru undanteknir.

Tim Tebow, leikstjórnandi Denver Broncos, hefur unnið hug og hjörtu margra eftir að hann tók við leikstjórnandahlutverkinu af Kyle Orton eftir fjóra leiki á tímabilinu. Tebow er ekki hinn dæmigerði leikstjórnandi en hann vill mikið hlaupa með boltann sjálfur en t.a.m er hann með næst flesta hlaupayarda hjá liðinu á tímabilinu. Sjálfur hefur hann svo skorað 6 snertimörk á tímabilinu sem verður að teljast ansi gott. Það sem hefur háð honum mest er að hann vill kasta boltanum sem minnst en hann er ekki jafn öflugur sendingamaður og margir aðrir leikstjórnendur í deildinni. Hann lét það þó ekki á sig fá þegar hann kastaði fyrir sigursnertimarkinu í framlengingu gegn Pittsburgh Steelers um síðustu helgi.

New England Patriots byrjaði tímabilið nokkuð rólega, hafði fljótlega tapað þremur leikjum og fóru menn að efast hvort liðið myndi gera tilkall til Superbowl-titilsins þetta árið en svo komst liðið á flug og vann hvern leikinn á fætur öðrum undir stjórn Tom Brady. Brady átti mjög gott tímabil og kastaði 5235 yarda á tímabilinu sem skiluðu hvorki meira né minna en 39 snertimörkum. Brady er með frábæra leikmenn með sér í sóknarleiknum og ber þar helst að nefna Wes Welker sem skilaði 9 snertimörkum á tímabilinu og Rob Gronkowski sem hefur slegið í gegn og skoraði hann 17 snertimörk. Patriots á þrjá Superbowl-titla undir belti og hafa þeir allir komið fyrsta áratug 21.aldarinnar, árin 2001, 2003 og 2004. Spennan mun því eflaust svífa yfir vötnum í Massachusetts í kvöld þegar Broncos heimsækir Patriots á Gillette-völlinn í Foxborough. Þetta er leikur sem enginn aðdándi ameríska fótboltans ætti að láta fram hjá sér fara.

kl. 01.00 New England Patriots – Denver Broncos | Beint á ESPN America.

Mynd: Nordic Photos

Fimm leikir voru á dagskrá í gær í NHL deildinni í íshokkí. Það virðist vera að rofa til hjá Washington Capitals sem að unnu sinn annan leik í röð í nótt þegar að þeir sigruðu Tampa Bay Lightning. Lightning, sem kom á óvart í fyrra, hefur valdið vonbrigðum það sem af er leiktíð. Liðið er virkilega vel mannað og er með einn efnilegasta spilara deildarinnar í sínum röðum, hann Steven Stamkos. Stamkos var einmitt fyrsti leikmaðurinn í vetur til þess að skora 30 mörk í deildinni. Leikurinn endaði 3-2 fyrir Capitals sem að með sigrinum lyftu sér upp í 8. sæti austurdeildar. Lightning sitja hinsvegar í 13. sæti deildarinnar.

Það er ekki á hverjum degi sem að leikmenn Columbus Blue Jackets fagna sigri en þeir höfðu ástæðu til þess að fagna í gær þegar að þeir sigrðuðu Phoenix Coyotes á heimavelli, 4-3. Bæði lið eru ekki líkleg til afreka í vetur, frekar en fyrri ár. Blá Stakkarnir sitja í neðsta sæti vesturdeildar og eru með slakasta árangur allra liða í NHL deildinni. Phoenix er aðeins 3 sætum fyrir ofan þá, í 13. sæti vesturdeildar.

Það er spurning hvort að nærvera Sidney Crosby, sem æfði í gær í fyrsta skipti í rúman mánuð, hafi haft svona góð áhrif á leikmenn Pittsburgh Penguins en þeir unnu í gær mjög óvæntan sigur á spútnikliði austurdeildar, Florida Panthers. Þetta var fyrsti sigurleikur Penguins í 7 leikjum. Leikurinn endaði 4-1. Þrátt fyrir tapið sitja Panthers ennþá í 3. sæti austurdeildar en Pittsburgh er í sæti númer 9 og ekki inn í úrslitakeppninni eins og staðan er í dag.

11 leikir eru síðan á dagskrá í kvöld og er stórleikur Detroit Red Wings og Chicago Blackhawks í beinni sjónvarpsútsendingu á ESPN America. Leikurinn, ásamt útsendingunni, hefst klukkan 17.30.

Öll úrslit gærkvöldsins:

Washington Capitals 3-2 Tampa Bay Lightning
Florida Panthers 1-4 Pittsburgh Penguins
Columbus Blue Jackets 4-3 Phoenix Coyotes
Buffalo Sabres 3-2 Toronto Maple Leafs
Edmonton Oilers 0-5 Anaheim Ducks

Mynd: Nordic Photos

Helsta stjarna Pittsburgh Penguins í NHL deildinni, Sidney Crosby, æfði í gær í fyrsta skipti frá því í byrjun desember. Crosby, sem hefur glímt við erfið meiðsl í langan tíma,  var nýbyrjaður að spila aftur í með liðinu í nóvember þegar að hann þurfti frá að hverfa aftur því að gömlu meiðslin tóku sig aftur upp. Allt má þetta rekja aftur til ársins 2010 þegar að Crosby hlaut tvö höfuðhögg á skömmum tíma sem gerði það að verkum að hann þurfti að sætta sig við að horfa á leiki Penguins úr stúkunni í næstum heilt ár.

Góðar fréttir bárust hinsvegar í gærdag þegar að myndskeið birtist á netinu af Crosby æfa með liðsfélögum sínum í Penguins. Óvíst er þó hvenær hann nær fullum bata og spilar með liðinu. Crosby þjáist af heilahristings-einkenni (Concussion Syndrome) sem má rekja aftur til fjölmargra höfuðhögga sem drengurinn hefur hlotið á svellinu. Crosby, sem er aðeins 24 ára gamall, er talinn vera einn besti íshokkíleikmaður heims.

Meiðsli Crosby virðast hafa slæm áhrif á lið Penguins sem aðeins hafa unnið 5 af síðustu 14 leikjum sínum eða frá því að Crosby þurfti að taka sér frí frá leiknum. Crosby spilaði 8 leiki fyrir Penguins á því tímabili sem hann sneri aftur og  nældi sér í 12 stig ( í íshokkí eru gefin stig fyrir mörk og stoðsendingar).

Mynd: Nordic Photos

Alls fóru 11 leikir fram í NHL deildinni í íshokkí í gærkvöld. Ríkjandi Stanley-meistarar, Boston Bruins, fengu forna fjendur sína í heimsókn, Montreal Canadiens. Leikurinn var afar hart spilaður og mikið um tæklingar. Leikurinn endaði með 2-1 sigri heimamanna þar sem að markvörður þeirra, Tim Thomas, átti enn einn stórleikinn og varði yfir 30 skot. Eftir leikinn var það svo gert opinbert að einn af skærustu stjörnum Montreal, Mike Cammalleri,  hafi verið skipt til Calgary Flames í skiptum fyrir fjóra leikmenn. Þetta er hluti af enduruppbygginarferli Canadiens, en þeir létu t.a.m. þjálfara sinn fara í desember. Montreal, sem er mikil hokkíborg og áhuginn á sportinu mikill, hefur ekki gengið sem best í vetur en þeir sitja í 12. sæti austurdeildar og eitthvað þarf að fara gerast hjá þeim ef þeir ætla sér í úrslitakeppnina.

Efsta lið austurdeildar, New York Rangers, tapaði óvænt á heimavelli í gær, 0-3, gegn Ottawa Senators, sem hafa verið á mikilli siglingu að undanförnu. Þrátt fyrir tapið eru þeir enn stigi á undan Bruins sem sitja í öðru sæti. Senators sitja hinsvegar í 5. sæti austurdeildarinnar og hafa nú sigrað 3 leiki í röð.

Chicago rétti loks úr kútnum þegar að þeir sigrðuðu Minnesota Wild á heimavelli, 5-2. Þá sigruðu Dalls Stars Los Angeles Kings í miklum markaleik, 5-4 sem fram fór í Englaborginni.

Öll úrslit gærkvöldsins:

Boston Bruins 2-1 Montreal Canadiens
New York Rangers 0-3 Ottawa Senators
Chicago Blackhawks 5-2 Minnesota Wild
Los Angeles Kings 4-5 Dallas Stars
New York Islanders 2-3 Philadelphia Flyers
Tampa Bay Lightning 2-5 Carolina Hurricanes
Detroit Red Wings 3-2 Phoenix Coyotes
St. Louis Blues 2-3 Vancouver Canucks
Nashville Predators 3-2 Colarado Avalanche
Winnipeg Jets 0-2 San Jose Sharks
Calgary Flames 1-0 Anaheim Ducks

Mynd: NordicPhotos

Spænski tenniskappinn Rafael Nadal vísar þeim fréttum á bug um að hann gangi ekki heill til skógar, nú þegar aðeins fjórir dagar eru þangað til Opna ástralska tennismótið hefst, fyrsta stórmót ársins í tennisheiminum. Nadal, sem er annar á heimslista, hefur verið í vandræðum með aðra öxlina í töluverðan tíma en segist vera í góðu líkamlegu formi og tilbúinn í slaginn.

„Ég er í toppstandi og ætlar mér stóra hluti á mótinu,“ segir Nadal, sem fagnaði sigri á mótinu árið 2009. Serbinn Novak Djokovic, efsti maður á heimslista, hefur titil að verja og Nadal segir hann helsta keppinautinn.

„Djokovic er sá maður sem þarf að vinna til að sigra á mótinu. Það eru hins vegar aðrir frábærir tennisleikarar sem verða einnig efiðir viðureignar. Ég er búinn að leggja hart að mér og er tilbúinn að mæta hverjum sem er,“ sagði Nadal á BBC Sports.

Opna ástralska tennismótið hefst mánudaginn 16. janúar en dregið verður á morgun, föstudag.