Mynd: NordicPhotos

Jermain Defoe, leikmaður Tottenham verður frá keppni næstu vikurnar vegna meiðsla. Harry Redknapp, stjóri félagsins greindi frá þessu í morgun á blaðamannafundi. Ljóst er að þetta er mikið áfall fyrir liðið sem á í mikilli baráttu um fjórða sæti deildarinnar. Íslendingar gætu þó glaðst en vegna afar mikilla meiðsla hjá félaginu ætti þetta að gefa Eiði Smára Guðjohnsen möguleika á að sanna sig. Defoe hefur leikið vel með Tottenham í vetur og skorað 23 mörk í öllum keppnum. Ætla má að Defoe verði í landsliðshópi Englands á HM í sumar miðað við frammistöðu sína á tímabilinu.