Mynd: Þór

Knattspyrnudeild Þórs hefur samið við bandarísku leikmennina Kayla Grimsley og Tahnai Annis sem léku með Þór/KA síðasta sumar um að þær verði áfram í herbúðum Íslandsmeistaranna. Auk þess þá hefur náðst samkomulag við Mateju Zver og mun hún bætast við í hópinn og er ljóst að Íslandsmeistararnir koma sterkir til leiks í sumar.

Þær Kayla Grímsley og Tahnai Annis léku báðar stór hlutverk í liði Þórs/KA þær léku hvor um sig  21 leik með liðinu 2012 bæði í deild og bikar. Kayla skoraði 5 mörk í þeim leikjum en Tahnai Annis 9.

Slóvenski leikmaðurinn Mateja Zver þekkir vel til liðsins enda á hún að  67 leiki að baki með liðinu og í þeim leikjum hefur hún skorað 56 mörk. Mateja spilaði fyrst með liðinu 2008 og lék níu síðustu leiki tímbilsins og í þeim leikjum skoraði hún 10 mörk. Næstu þrjú tímabil þ.e.  2009-2011 lék hún með liðinu alls 57 leiki og skoraði í þeim 46 mörk.

Að sögn Nóa Björnssonar úr leikmannaráði kvenna koma bandarísku leikmennirnir Kayla og Tahnai til landsins 20. mars en Mateja Zver kemur mánuði síðar eða um 26. apríl.